കരുവന്നൂർ ബാങ്ക് തട്ടിപ്പ്: എ.സി. മൊയ്തീൻ ഇന്ന് ഇ ഡിക്ക് മുന്നിൽ ഹാജരാകില്ല; 'നിയമസഭാ സാമാജികർക്കുള്ള ക്ലാസിൽ പങ്കെടുക്കണം'

ഇ-മെയിൽ മുഖേനയാണ് മൊയ്തീൻ ഇക്കാര്യം ഇ ഡി ഉദ്യോഗസ്ഥരെ അറിയിച്ചത്. ഇന്നും നാളെയും ഹാജരാകാൻ കഴിയില്ലെന്നാണ് അറിയിച്ചിരിക്കുന്നത്. ഇതിനിടെ, എ സി മൊയ്തീൻ ഇന്നു പുലർച്ചെ തിരുവനന്തപുരത്തെത്തി.

Also Read- കരുവന്നൂർ ബാങ്ക് തട്ടിപ്പ്; അന്വേഷണം കേരള ബാങ്കിലേക്കും വ്യാപിപ്പിച്ച് ഇ ഡി

ചോദ്യം ചെയ്യലിന് ഇന്ന് നേരിട്ട് ഹാജരാകാൻ കഴിയില്ലെന്ന് എ സി മൊയ്തീൻ അന്വേഷണ സംഘത്തെ രേഖാമൂലം അറിയിച്ച സാഹചര്യത്തിൽ, അടുത്തദിവസം പുതിയ തീയതി നിശ്ചയിച്ച് ഇ ഡി വീണ്ടും നോട്ടിസ് നൽകും. സാക്ഷികൾക്കുള്ള നോട്ടിസാണ് ഇതുവരെ മൊയ്തീന് നൽകിയത്. അന്വേഷണത്തോട് സഹകരിച്ചില്ലെങ്കിൽ മാത്രം ശക്തമായ നിലപാട് സ്വീകരിക്കാനാണ് നീക്കം.

advertisement

10 വ​ർ​ഷ​ത്തെ ബാ​ങ്ക് ഇ​ട​പാ​ട് രേ​ഖ​ക​ളും ആ​ദാ​യ​നി​കു​തി രേ​ഖ​ക​ളും ഹാ​ജ​രാ​ക്കാ​ൻ നേ​ര​ത്തേ ഇ ഡി ആ​വ​ശ്യ​പ്പെ​ട്ടി​രു​ന്നു. രേ​ഖ​ക​ൾ അ​പൂ​ർ​ണ​മാ​യ​തി​നാ​ൽ പൂ​ർ​ണ​വി​വ​ര​ങ്ങ​ളു​മാ​യി ചൊ​വ്വാ​ഴ്ച എ​ത്താ​നാ​ണ് നി​ർ​ദേ​ശി​ച്ചി​രി​ക്കു​ന്ന​ത്. സെപറ്റംബർ 10ന് മൊയ്തീനെ ഇ ഡി 10 മണിക്കൂർ ചോദ്യം ചെയ്തിരുന്നു.

മൊ​യ്തീ​നെ ചോ​ദ്യം ചെ​യ്യു​ന്ന​തി​ന്റെ മു​ന്നോ​ടി​യാ​യു​ള്ള തെ​ളി​വ് ശേ​ഖ​ര​ണം ​കൂ​ടി​യാ​ണ് തി​ങ്ക​ളാ​ഴ്ച​യി​ലെ ഇ ഡിയു​ടെ പ​രി​ശോ​ധ​ന​യെ​ന്നാ​ണ് വി​വ​രം. ബാ​ങ്കു​ക​ളി​ലെ പ​രി​ശോ​ധ​ന​ക്കു​ശേ​ഷം സിപി​എം സം​സ്ഥാ​ന ക​മ്മി​റ്റി അം​ഗം എം കെ ക​ണ്ണ​നെ​യും വി​ളി​പ്പി​ച്ചേ​ക്കു​മെ​ന്നാ​ണ് സൂ​ച​ന.