TRENDING:
500 മില്ലി ലിറ്റർ കുപ്പിക്ക് 400 രൂപയാണ് വില നിശ്ചയിച്ചിരിക്കുന്നത്. പ്രതിദിനം 13,500 കെയ്സ് മദ്യം ഉൽപാദിപ്പിക്കാൻ ശേഷിയുള്ളതാണ് പുതിയ പ്ലാന്റ്. കുപ്പികളിലും പെട്ടികളിലും ക്യുആർ കോഡ് പതിപ്പിക്കാനുള്ള സാങ്കേതിക നടപടികൾ പൂർത്തിയാകാത്തതിനാലാണ് വിപണിയിലെത്താൻ വൈകുന്നത്. പ്ലാന്റിലെ ജലലഭ്യത പൂർണ്ണസജ്ജമാകുന്നതുവരെ പുറത്തുനിന്നുള്ള ടാങ്കർ വെള്ളമുപയോഗിച്ചായിരിക്കും നിർമ്മാണം.മഴവെള്ള സംഭരണിയുടെ സാധ്യതയുടെ പരിഗണിക്കും.
പുതിയ ബ്രാൻഡിക്ക് പേര് നിർദ്ദേശിക്കാൻ ബെവ്കോ പൊതുജനങ്ങളോട് ആവശ്യപ്പെട്ടത് വലിയ ചർച്ചയായിരുന്നു. കെ ബ്രാണ്ടി, കെ രസം, കാരണഭൂതൻ, സഖാവ്, കപ്പിത്താൻ തുടങ്ങി നാൽപതിനായിരത്തോളം പേരുകൾ ലഭിച്ചെങ്കിലും ജനങ്ങളിൽ നിന്ന് പേരു സ്വീകരിക്കുന്നതിനെതിരെ ഹൈക്കോടതി രംഗത്തെത്തിയിരുന്നു. ഇത്തരം നടപടികൾ ഉണ്ടായിട്ടില്ലെന്ന് ബെവ്കോ അറിയിച്ചു.തുടർന്നാണ് ബവ്കോ തന്നെ 'മലബാർ മിസ്റ്ററി' എന്ന പേര് തിരഞ്ഞെടുത്തത്.
advertisement
ഫെബ്രുവരി 21-ന് രാവിലെ 10-ന് മന്ത്രി എം.ബി. രാജേഷ് പ്ലാന്റ് ഉദ്ഘാടനം ചെയ്യും. മന്ത്രി കെ. കൃഷ്ണൻകുട്ടി ചടങ്ങിൽ അധ്യക്ഷനായിരിക്കും. കേരള ഇലക്ട്രിക്കൽ ആൻഡ് അലൈഡ് എൻജിനീയറിങ്ങിനാണ് (കെൽ) പ്ലാന്റിന്റെ നിർമ്മാണച്ചുമതല. കുടുംബശ്രീ വഴിയാണ് അവിദഗ്ദ്ധ തൊഴിലാളികളെ നിയമിക്കുന്നത്
Click here to add News18 as your preferred news source on Google.