ആദ്യ ബലാത്സംഗക്കേസിൽ രാഹുൽ മാങ്കൂട്ടത്തിലിന് മുൻകൂർ ജാമ്യം

കേസ് രാഷ്ട്രീയ പ്രേരിതമാണ് എന്നാണ് രാഹുല്‍ മാങ്കൂട്ടത്തില്‍ ഉയര്‍ത്തിയ വാദം. ബലാത്സംഗക്കുറ്റം നിലനില്‍ക്കില്ല. നിര്‍ബന്ധിത ഗര്‍ഭഛിദ്രത്തിന് തെളിവില്ല എന്നുമാണ് രാഹുല്‍ മാങ്കൂട്ടത്തില്‍ ഹൈക്കോടതിയെ അറിയിച്ചത്. അതിജീവിതയ്ക്ക് നേരെ ബലംപ്രയോഗിച്ചതും ഗര്‍ഭഛിദ്രത്തിന് നിര്‍ബന്ധിച്ചതും ഉള്‍പ്പടെയുള്ള അതിജീവിതയുടെ മൊഴിയിലെ വിവരങ്ങള്‍ ഗൗരവതരമാണ് എന്നായിരുന്നു പ്രോസിക്യൂഷൻ വാദിച്ചത്.

എംഎല്‍എ എന്ന നിലയില്‍ ഉന്നത സ്വാധീനമുള്ള വ്യക്തിയാണ് രാഹുല്‍ മാങ്കൂട്ടത്തില്‍. രാഹുല്‍ മാങ്കൂട്ടത്തിലിന് മുന്‍കൂര്‍ ജാമ്യം നല്‍കുന്നത് തന്റെ ജീവനുപോലും ആപത്താണ് എന്നാണ് മുന്‍കൂര്‍ ജാമ്യാപേക്ഷയെ എതിര്‍ത്ത അതിജീവിത ഹൈക്കോടതിയെ അറിയിച്ചത്. രണ്ടാം ബലാത്സംഗക്കേസില്‍ മുന്‍കൂര്‍ ജാമ്യം നല്‍കിയതിനെതിരെ സംസ്ഥാന സര്‍ക്കാര്‍ നല്‍കിയ അപ്പീല്‍ ഹൈക്കോടതിയുടെ പരിഗണനയിലാണ്. മൂന്നാം ബലാത്സംഗക്കേസില്‍ അറസ്റ്റിലായി റിമാന്‍ഡില്‍ കഴിഞ്ഞ രാഹുല്‍ മാങ്കൂട്ടത്തിലിന് പത്തനംതിട്ട സെഷന്‍സ് കോടതി ജാമ്യം നല്‍കിയിരുന്നു.

advertisement

Summary: The Kerala High Court has granted anticipatory bail to Rahul Mamkootathil MLA in the first of three rape cases registered against him. The single bench of Justice Kauser Edappagath delivered the verdict, overturning an earlier decision by the Thiruvananthapuram Principal Sessions Court. The court granted bail subject to strict conditions. Rahul must appear before the investigating officer every Saturday, surrender his mobile phone, cooperate fully with the investigation, and refrain from influencing witnesses.