Kerala Weather : സംസ്ഥാനത്ത് ചൂട് കുറയുമോ, ആശ്വാസമായി വേനൽമഴ വരുന്നു

സംസ്ഥാനത്ത് ഒറ്റപ്പെട്ടയിടങ്ങളില്‍ ഞായറാഴ്ച വരെ ഇടിമിന്നലോട് കൂടിയ മഴയ്ക്ക് സാധ്യതയുണ്ട്. നാളെ മുതല്‍ മണിക്കൂറില്‍ 40 മുതല്‍ 50 കിലോമീറ്റര്‍ വരെ വേഗത്തില്‍ ശക്തമായ കാറ്റിനും സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു. മലപ്പുറം, കോഴിക്കോട്, വയനാട്, പാലക്കാട്, ഇടുക്കി ജില്ലകളിലാണ് ഇടിയോടുകൂടിയ മഴയ്ക്ക് സാധ്യത. ഇടിമിന്നൽ ഉണ്ടാകാൻ സാധ്യതയുള്ളതിനാൽ പൊതുജനങ്ങൾ ജാ​ഗ്രത പാലിക്കണമെന്നും നിർദേശമുണ്ട്.

അതേസമയം, കേരളത്തിൽ ഇന്ന് ഉച്ചയ്ക്ക് ശക്തമായ വേനൽച്ചൂടിനൊപ്പം ഉയർന്ന ഈർപ്പവും അനുഭവപ്പെടും. ഇന്ന് പകൽ താപനില 30 ഡി​ഗ്രി സെൽഷ്യസ് മുതൽ 34 ഡി​ഗ്രി സെൽഷ്യസ് വരെ ഉയരാൻ സാധ്യതയുണ്ട്. ഉച്ചയ്ക്ക് ശേഷം ആകാശം ഭാ​ഗികമായി മേഘാവൃതമാകും.

advertisement