Kerala Weather Update|ഓണച്ചൂടിന് മേൽ കുളിർമഴ; കേരളത്തിൽ ഒറ്റപ്പെട്ടയിടങ്ങളിൽ ഇന്നും മഴയ്ക്ക് സാധ്യത

ഇന്നലെ തിരുവനന്തപുരം നഗരത്തിലും മഴ പെയ്തു. മഴ മുന്നറിയിപ്പുണ്ടെങ്കിലും സംസ്ഥാനത്ത് താപനിലയും ഉയരുകയാണ്. ശരാശരിയെക്കാൾ രണ്ട് മുതൽ മൂന്ന് ഡിഗ്രി വരെ ഉയർന്ന താപനിലയാണ് കഴിഞ്ഞ ദിവസങ്ങളിൽ റിപ്പോർട്ട് ചെയ്‌തത്. ചൂട് വർധിക്കുന്ന സാഹചര്യത്തിൽ രാവിലെ 11 മുതൽ ഉച്ചയ്ക്ക് 3 വരെ പുറത്തിറങ്ങുന്നത് നിയന്ത്രിക്കണമെന്ന് കാലാവസ്ഥ വകുപ്പും ദുരന്ത നിവാരണ വിഭാഗവും നിർദേശം നൽകിയിട്ടുണ്ട്.

Also Read- ഉത്രാടപ്പാച്ചിലിനൊപ്പം വിയർത്തൊലിച്ച് കേരളം; 6 ജില്ലകളിൽ മുന്നറിയിപ്പ്

advertisement

ഓണനാളുകളിൽ വിയർത്തൊലിക്കുകയാണ് കേരളം. ഇതിനിടയിലാണ് ആശ്വാസമായി സംസ്ഥാനത്തിന്റെ വിവിധ ഭാഗങ്ങളിൽ കുളിർമഴ പെയ്തത്. ഇന്നും മഴയ്ക്ക് സാധ്യതയുണ്ടെന്നത് ഓണച്ചൂടിൽ ആശ്വാസമാണ്. ഉത്രാട ദിനമായ ഇന്നലെ കൊല്ലം, കോട്ടയം, ആലപ്പുഴ, കണ്ണൂർ, പത്തനംതിട്ട, തിരുവനന്തപുരം ജില്ലകളിൽ ഉയർന്ന താപനിലയായിരുന്നു റിപ്പോർട്ട് ചെയ്തത്.