വെള്ളി വെളിച്ചത്തിൽ കുളിച്ച് ഭൂതത്താൻകെട്ട്; ക്രിസ്മസ് ആഘോഷങ്ങൾക്ക് മാറ്റുകൂട്ടി ഡാമിലെ ദീപാലങ്കാരം

വെള്ളി വെളിച്ചത്തിനൊപ്പം തുറന്ന ഷട്ടറുകളിലൂടെ ഒഴുകിയൊഴുകി വരുന്ന വെള്ളത്തിൻ്റെ കാഴ്ചയും ചേർന്നപ്പോൾ, രാത്രിയിലെ ഭൂതത്താൻകെട്ട് ഒരു അത്ഭുതലോകം പോലെയായി. ക്രിസ്മസ് രാത്രിയുടെ തണുപ്പിനൊപ്പം ഭൂതത്താൻകെട്ട് ഡാം ഇപ്പോൾ ചൂടേകുന്നത്

ഡാം മുഴുവൻ നിറയെ സ്ഥാപിച്ച LED അലങ്കാരങ്ങളുടെ ഈ വർണത്തിളക്കമാണ്.

കുടുംബസമേതം എത്തുന്നവരും യുവജന കൂട്ടങ്ങളും ഫോട്ടോകളും സെൽഫികളും പകർത്തി ക്രിസ്മസ് രാത്രി ആഘോഷമാക്കി. ഡാമിലെ ദീപാലങ്കാരം അതി മനോഹരമായിട്ടുണ്ടെന്നും വൻ ജനക്കൂട്ടമാണ് ഇവിടെയെത്തിക്കൊണ്ടിരിക്കുന്നതെന്നും ഡാം കാണാൻ കുടുംബത്തോടൊപ്പം എത്തിയ ശ്യാമ പറഞ്ഞു.

advertisement