കൊടുമുടി കീഴടക്കാൻ കഴിയാത്ത അഞ്ചലിലെ കുടുക്കത്ത് പാറ

പാറയുടെ മുകളിലേക്ക് കയറാൻ  നിരവധി പടവുകളും സുരക്ഷ വേലികളും സജ്ജമാക്കിയിട്ടുണ്ട്. 400 ൽ അധികം പടവുകൾ കയറിയാൽ മാത്രമേ മുകളിൽ എത്താൻ സാധിക്കുകയുള്ളൂ. ഇവിടെ രണ്ട് പാറകൾ വരെ കയറാൻ സാധിക്കും മൂന്നാമത്തെ വലിയ പാറയിൽ  ആർക്കും പ്രവേശിക്കാൻ കഴിയില്ല. ഇതിന് അടുത്തായി ഒരു തടയണയും കാവും ഗുഹയുമുണ്ട്. മാത്രമല്ല ഒട്ടനവധി ഔഷധ സസ്യങ്ങളുമുണ്ട്. കുടുക്കത്ത് പാറയിൽ പ്രവേശിക്കുന്നതിന് എൻട്രി ഫീസ് ഉണ്ട്. വാഹനങ്ങൾക്കും ഈ ഫീസ് നൽകേണ്ടതുണ്ട്. പ്രവേശന കവാടം കഴിഞ്ഞ് ഏകദേശം ഒരു കിലോമീറ്ററോളം അകത്തേക്ക് കാട്ടിലൂടെ സഞ്ചരിച്ച് വേണം പാറയിൽ എത്താൻ.

advertisement

ഓഫ് റോഡിംഗ് സഹസികത ഇഷ്ടപ്പെടുന്നവർക്ക് ഇരുചക്ര വാഹനങ്ങളിൽ പാറയിലേക്ക് കയറുന്ന ഭാഗം വരെ എത്തിച്ചേരാൻ സാധിക്കും. കൊല്ലത്ത് അതിവേഗം വളർന്നുകൊണ്ടിരിക്കുന്ന ടൂറിസ്റ്റ് പ്രദേശങ്ങളിൽ ഒന്നാണ് കുടുക്കത്ത്പാറ. അപ്പോഴും പാറകളിലേക്കുള്ള യാത്രയിൽ കുട്ടികളും മറ്റും കയറുമ്പോൾ ഉണ്ടാവുന്ന അപകട പ്രശ്നങ്ങൾ വലിയൊരു ചോദ്യചിഹ്നമായി നിലനിൽക്കുകയും ചെയ്യുന്നുണ്ട്.