രാജ്യത്തിൻ്റെ മറ്റു ഭാഗങ്ങളില്‍ നടക്കുന്ന വികസന-ക്ഷേമ പരിപാടികളെക്കുറിച്ച് അറിവുണ്ടായാല്‍ മാത്രമേ ഓരോ പ്രദേശത്തെയും സാഹചര്യമനുസരിച്ച് പദ്ധതികള്‍ ആവിഷ്‌കരിക്കാന്‍ കഴിയൂ. പിന്നാക്ക മേഖലകളിലെ ഗോത്രവര്‍ഗ യുവജനങ്ങള്‍ക്ക് രാജ്യത്തിൻ്റെ വിവിധ ഭാഗങ്ങളിലെ വികസന പ്രവര്‍ത്തനങ്ങള്‍, സംസ്‌കാരം, പാരമ്പര്യം, ജീവിത ശൈലികള്‍ എന്നിവയെ നേരില്‍ കണ്ട് മനസ്സിലാക്കാനും രാഷ്ട്ര നിര്‍മാണ പാരിപാടികളെക്കുറിച്ചറിയാനും ഇത്തരം പരിപാടിയിലൂടെ സാധിക്കുമെന്നും ഗവര്‍ണര്‍ പറഞ്ഞു.
ഗോത്രവര്‍ഗ യുവജനങ്ങളുടെ ശാക്തീകരണവും സമഗ്ര വികസനവും ലക്ഷ്യമിട്ടാണ് പരിപാടി സംഘടിപ്പിച്ചത്. ഇതിൻ്റെ ഭാഗമായി സെമിനാറുകള്‍, ചര്‍ച്ചകള്‍ എന്നിവ നടന്നു. ഛത്തീസ്ഗഢിലെ നാരായണ്‍പൂര്‍, മൊഹ്‌ല മണ്‍പുര്‍ അംബാഗര്‍ഹ് ചൗക്കി, കാങ്കര്‍, സുക്മ, ഝാര്‍ഖണ്ഡിലെ പശ്ചിം സിങ്ബും, മധ്യപ്രദേശിലെ ബാല്‍ഗഢ് എന്നീ ജില്ലകളില്‍ നിന്നുള്ളവര്‍ പങ്കെടുത്തു. ഒരാഴ്ച നീണ്ട യുവജന സമ്പര്‍ക്ക പരിപാടി രാജ്യത്ത് 21 സ്ഥലങ്ങളിലായി നടന്നു.
advertisement
കോഴിക്കോട് ഈസ്റ്റ് ഹില്ലിലെ സര്‍ക്കാര്‍ യൂത്ത് ഹോസ്റ്റലില്‍ നടന്ന പരിപാടിയില്‍ എം കെ രാഘവന്‍ എം പി അധ്യക്ഷനായി. ജില്ലാ കളക്ടര്‍ സ്‌നേഹില്‍ കുമാര്‍ സിങ്, മേരാ യുവഭാരത് സ്റ്റേറ്റ് ഡയറക്ടര്‍ എം അനില്‍കുമാര്‍, ആഭ്യന്തര മന്ത്രാലയം ഡെപ്യൂട്ടി സെക്രട്ടറി എന്‍ എസ് വെങ്കിടേശ്വരന്‍, ജില്ലാ യൂത്ത് ഓഫീസര്‍ സി ബിന്‍സി, മേരാ ഭാരത് ജില്ല ഡെപ്യൂട്ടി ഡയറക്ടര്‍ സി സനൂപ് തുടങ്ങിയവര്‍ പങ്കെടുത്തു.