TRENDING:
ഏറ്റവും കൂടുതല് കോക്ലിയര് ഇംപ്ലാൻ്റേഷന് നടക്കുന്ന മെഡിക്കല് കോളജും കോഴിക്കോടാണ്. രാജ്യത്തെ പത്ത് വിആര്ഡിഎല് ലാബുകള് ഐആര്ഡിഎല് ലാബുകള് ആക്കി ഉയര്ത്തിയതില് ഒന്ന് കോഴിക്കോട് മെഡിക്കല് കോളജ് ആണ്. ന്യൂക്ലിയര് മെഡിസിനില് ആദ്യമായി പിജി കോഴ്സ് അനുവദിച്ചതും സ്ഥാപനത്തിന് കൈവന്ന നേട്ടമാണ്. തിരുവനന്തപുരം മെഡിക്കല് കോളജ് മാതൃകയില് കോഴിക്കോട് മെഡിക്കല് കോളജില് സ്കിന് ബാങ്ക് തുടങ്ങാനുള്ള നടപടികള് സ്വീകരിക്കുമെന്നും മന്ത്രി അറിയിച്ചു. അടിസ്ഥാന സൗകര്യം, ചികിത്സ സംവിധാനം, പൊതുജനാരോഗ്യം, ആരോഗ്യ സൂചകങ്ങള് എന്നിവയില് കേരളം കൈവരിച്ചത് ചരിത്ര നേട്ടങ്ങളാണ്. പ്രാഥമിക ആരോഗ്യ കേന്ദ്രങ്ങളിലും താലൂക്ക് ആശുപത്രികളിലും സൗജന്യ സംവിധാനങ്ങളിലൂടെ ആരോഗ്യ സുരക്ഷ ഉറപ്പ് വരുത്തുന്ന സംസ്ഥാനമാണ് കേരളമെന്നും കൂട്ടിച്ചേര്ത്തു.
advertisement
ഗവ. മെഡിക്കല് കോളജിലെ പരീക്ഷാ ബ്ലോക്ക്, ഹോസ്റ്റല് കെട്ടിടം, പി ഇ ടി സി ടി സ്കാന്, ഹീമോഫീലിയ ബ്ലോക്ക്, 4 കെ ലാപ് മെഷീന്, സി.ഒ. 2 ലേസര് സിസ്റ്റം, ഹാര്ട്ട് ലംഗ് മെഷിന്, ഇൻ്റീരിയര് ആന്ഡ് ലാറ്ററല് സ്കള് നാവിഗേറ്റര് സിസ്റ്റം, ഫാമിലി പ്ലാനിങ് ഒ.പി., ഡ്രഗ് സ്റ്റോര്, ഗവ. ദന്തല് കോളജ് പുതിയ ബ്ലോക്ക്, ഓഡിറ്റോറിയം, വിവിധ ഡിപ്പാര്ട്ട്മെൻ്റുകളിലെ നവീകരണ പ്രവൃത്തികള്, പ്രോസ്തോഡോണ്ടിക്സ് സിര്ക്കോണിയം ലാബ്, ഗവ. നഴ്സിങ് കോളജ് ലേഡീസ് ഹോസ്റ്റല് എന്നിവയുടെ ഉദ്ഘാടനവും എം.ആര്.ഐ. സ്കാന് സെൻ്റര്, ബയോ മെഡിക്കല് ഇന്സിനറേറ്റര് എന്നിവയുടെ ശിലാസ്ഥാപനവുമാണ് മന്ത്രി നിര്വഹിച്ചത്.
Click here to add News18 as your preferred news source on Google.