കല്ലമ്പാറയുടെ മുഖച്ഛായ മാറി; ഭക്ഷണ വൈവിധ്യങ്ങളുമായി 'കല്ലമ്പാറ ഫുഡ് സ്ട്രീറ്റ്'

ജില്ലയിലെ കടലുണ്ടി - കല്ലമ്പാറ പഴയ പാലം പ്രദേശത്ത് 98 ലക്ഷം രൂപയുടെ ഫണ്ട് ഉപയോഗിച്ച് നടപ്പിലാക്കിയതാണ് ടൂറിസം പദ്ധതിയായ കല്ലമ്പാറ ഫുഡ് സ്ട്രീറ്റ്. പ്രാദേശികമായ തനതായ ഭക്ഷണ സംസ്കാരം പരിചയപ്പെടുത്തുന്ന ഒരു പൊതു സ്ട്രീറ്റ് എന്ന ആശയമാണ് പദ്ധതിയുടെ അടിസ്ഥാന തത്വമായി വിലയിരുത്തപ്പെടുന്നത്. സംസ്ഥാനത്തെ ടൂറിസം സാധ്യതകൾ ശക്തിപ്പെടുത്തുന്നതിനും ആഭ്യന്തരവും വിദേശവുമായ വിനോദസഞ്ചാരികളെ ആകർഷിക്കുന്നതിനും ലക്ഷ്യമിട്ടുള്ള ടൂറിസ്റ്റ് പദ്ധതിയാണ് കല്ലമ്പാറ ഫുഡ് സ്ട്രീറ്റ്.

കേരളത്തിൻ്റെ തനതായ ഭക്ഷണ സംസ്കാരം വിനോദസഞ്ചാരികൾക്ക് പരിചയപ്പെടുത്തുക, ആഭ്യന്തരവും വിദേശവുമായ സഞ്ചാരികളെ ആകർഷിക്കുക, പ്രാദേശിക തൊഴിലവസരങ്ങൾ, ചെറുകിട വ്യാപാര സാധ്യതകൾ എന്നിവ സൃഷ്ടിക്കുക. ഇതാണ് കടലുണ്ടി - കല്ലമ്പാറ ഫുഡ് സ്ട്രീറ്റിലൂടെ ലക്ഷ്യമിടുന്നത്.

advertisement

പദ്ധതിയുടെ ഭാഗമായി കിയോസ്ക്കുകൾ, വിളക്ക് കാലുകൾ, സിറ്റിംഗ് ബെഞ്ചുകൾ, ഇൻ്റർലോക്കിങ് വർക്കുകൾ, ലാൻഡ്സ്കേപ്പിംഗ് വർക്കുകൾ തുടങ്ങിയവ നിർമ്മിച്ചിട്ടുണ്ട്. ടൂറിസം പദ്ധതിയുടെ പരിപാലന ചുമതല ഡി ടി പി സി കോഴിക്കോടിനാണ്. ULCCS ലിമിറ്റഡ് മുഖേനയാണ് നിർമാണം നടപ്പിലാക്കിയത്.