യുഡിഎഫ് മാർച്ചിനുനേരെ കണ്ണീര്‍ വാതകം; ലോക്സഭാ സെക്രട്ടേറിയറ്റ് സംസ്ഥാനത്തോട് റിപ്പോര്‍ട്ട് തേടി

ഡിസംബർ 23ന് തിരുവനന്തപുരത്ത് ഡിജിപി ഓഫീസിലേക്ക് നടന്ന മാർച്ചിനിടെ എം.പിമാര്‍ക്ക് നേരെ പോലീസ് കണ്ണീര്‍ വാതകം പ്രയോഗിച്ചിരുന്നു. 7 എംപിമാരും പ്രതിപക്ഷ നേതാവും 6 എംഎൽഎമാരും സ്റ്റേജിലുള്ളപ്പോഴായിരുന്നു അതീവ ശേഷിയുള്ള ഷെൽ എറിഞ്ഞത്.

ഇതുമൂലം ശാരീരികാസ്വാസ്ഥ്യമുണ്ടായെന്നും കെ.മുരളീധരൻ പരാതിയിൽ സ്പീക്കറെ അറിയിച്ചിരുന്നു. എംപിമാര്‍ അടക്കമുള്ളവര്‍ക്ക് നേരെ ഒരു പ്രകോപനവുമില്ലാതെ പോലീസ് ടിയര്‍ ഗ്യാസ് പ്രയോഗിച്ചതുകൊണ്ടാണ് കേരള പൊലീസിനെതിരെ ലോക്സഭാ സ്പീക്കര്‍ക്ക് പരാതി നല്‍കിയതെന്ന് കെ. മുരളീധരന്‍ എംപി പറഞ്ഞു.