ഈ ട്രെയിൻ വൈകീട്ട് ആറിന് പുനലൂരും 6.30 ന് കൊട്ടാരക്കരയിലും 7.30 ന് കൊല്ലത്തും എത്തിച്ചേരും. കൊല്ലത്തു നിന്നും കോട്ടയം, എറണാകുളം, തൃശൂര്‍ വഴി പിറ്റേന്ന് പുലര്‍ച്ചെ 2.10 ന് ഗുരുവായൂരിലെത്തും. തിങ്കളാഴ്ച ആയിരിക്കും ഗുരുവായൂരിൽനിന്ന് മധുരയിലേക്കുള്ള ട്രെയിനിന്‍റെ ആദ്യ യാത്ര. എല്ലാ ദിവസവും രാവിലെ 5.50ന് ഗുരുവായൂരിൽനിന്ന് തിരിക്കുന്ന ട്രെയിൻ ഉച്ചയ്ക്ക് 12.10ന് കൊല്ലത്തും 12.54 ന് കൊട്ടാരക്കരയിലും 1.20 ന് പുനലൂരും എത്തിച്ചേരും. രാത്രി 7.15 നാണ് ട്രെയിന്‍ മധുരയില്‍ എത്തിച്ചേരുന്നത്.
advertisement
ഒരു തേര്‍ഡ് എ സി, രണ്ടു സ്ലീപ്പര്‍, ഒന്‍പത് ജനറല്‍ കംപാര്‍ട്ട്‌മെന്റുകള്‍ എന്നിവ തീവണ്ടിയില്‍ ഉണ്ടാകും. ചെങ്കോട്ട-കൊല്ലം സെക്ഷനില്‍ നിലവിലെ കൊല്ലം-ചെങ്കോട്ട പാസഞ്ചറിന് അനുവദികപ്പെട്ടിരുന്ന എല്ലാ സ്റ്റോപ്പുകളിലും ഈ ട്രെയിൻ നിര്‍ത്തുമെന്ന് അധികൃതര്‍ അറിയിച്ചു. ആദ്യമായി സർവീസ് ആരംഭിക്കുന്ന ട്രെയിനിന് ആര്യങ്കാവ് മുതൽ കൊല്ലം വരെയുള്ള സ്റ്റേഷനുകളിൽ യാത്രക്കാരുടെ സംഘടനകളുടെ ആഭിമുഖ്യത്തിൽ സ്വീകരണം ഒരുക്കിയിട്ടുണ്ട്.