ഇന്ന് ഇന്ത്യാക്കാർ ഏറെ ആത്മവിശ്വാസമുള്ളവരായി മാറിയിരിക്കുകയാണ്. ലോകത്ത് എവിടെയും ഇന്ത്യൻ പൗരന്റെ സുരക്ഷിതത്വം മോദിസർക്കാർ ഉറപ്പ് ൽകുന്നു. ഇതാണ് മോദിയുടെ ഗ്യാരന്റി. യെമനിൽ നിന്നും ലിബിയയിൽ നിന്നും തിരികെ വന്ന നഴ്സുമാർക്കായാലും യുക്രെയ്ൻ യുദ്ധത്തിനിടെ തിരികെ വന്ന വിദ്യാർത്ഥികൾക്കായാലും യെമനിൽ നിന്ന് തിരികെ വന്ന ഫാദർ ടോം ഉഴുന്നാലിൽ ഇവരെയെല്ലാം സുരക്ഷിതമായി തിരികെയെത്തിക്കാൻ മോദിസർക്കാരിനെ കൊണ്ട് കഴിഞ്ഞു. മോദിസർക്കാരിന്റെ കാലത്ത് രാജ്യത്ത്കൂടുതൽ പാസ്പോർട്ട് ഓഫീസുകൾ തുടങ്ങി. ഇത് സർവകാല റെക്കോർഡാണ്. പാസ്പോർട്ട് നൽകുന്നതിൽ രാജ്യത്ത് ഏറ്റവും മുന്നിൽ കേരളമാണ്. ഇതൊക്കെയാണെങ്കിലും കേരളം നിരവധി വികസന വെല്ലുവിളികൾ നേരിടുന്നു. പിഒകെ വിഷയത്തിൽ ദേശീയമായ കാഴ്ചപ്പാടും നയവുമാണ് ബി ജെ പിക്ക് ഉള്ളത്. അത് ഒരിക്കലും രാഷ്ട്രീയമല്ല ചൈനയുമായുള്ള ബന്ധം വെല്ലുവിളികൾ നിറഞ്ഞതാണ് എങ്കിലും നിലവിൽ ഊഷ്മളമായും തുടരുന്നു.
advertisement
കച്ചിത്തീവ് ദ്വീപ് വിവാദത്തിൽ ഡിഎംകെയ്ക്ക് ഇരട്ട നിലപാടാണെന്ന് എസ് ജയശങ്കർ കുറ്റപ്പെടുത്തി. പാർലമെന്റിനകത്തും പുറത്തും അവർ വ്യത്യസ്ത അഭിപ്രായങ്ങളാണ് പറയുകയും പിന്തുടരുകയും ചെയ്യുന്നത്. പാർലമെന്റിനകത്ത് എതിർത്ത ഡി എം കെ പുറത്ത് രഹസ്യമായി പിന്തുണക്കുകയാണ്. വിഷയം സുപ്രീം കോടതിയുടെ പരിഗണനയിൽ ആയതിനാൽ കൂടുതൽ വിശദീകരിക്കാൻ ആവില്ല എന്നും അദ്ദേഹം തിരുവനന്തപുരത്ത് മാധ്യമങ്ങളോട് പറഞ്ഞു.
സർവീസുകളുടെ എണ്ണം കൂടുമ്പോൾ ഗൾഫ് വിമാന യാത്രക്കൂലി കുറയും
ഗൾഫ് രാജ്യങ്ങളിൽ നിന്നുള്ള വർധിച്ച വിമാന യാത്രാക്കൂലി സർവീസുകളുടെ എണ്ണം കൂടുമ്പോൾ കുറയുമെന്നാണ് പ്രതീക്ഷയെന്ന് ജയശങ്കർ പറഞ്ഞു. ഇതിനായി എയർ ഇന്ത്യയും ഇൻഡിഗോയുമൊക്കെ കൂടുതൽ വിമാനങ്ങൾക്ക് ഓർഡർ നൽകി കഴിഞ്ഞു. റഷ്യ യുക്രെയ്ൻ യുദ്ധത്തിൽ ഇന്ത്യാക്കാരെ സുരക്ഷിതമായി തിരിച്ചെത്തിക്കാൻ കഴിഞ്ഞു. നേപ്പാൾ, ബംഗ്ലാദേശ്, ശ്രീലങ്ക തുടങ്ങിയ അയൽ രാജ്യങ്ങളുമായി നല്ല ബന്ധമാണ് ഇന്ത്യക്കുള്ളത്. കോവിഡ് കാലത്ത് മരുന്നും ഭക്ഷണവും ഇന്ധനവും അടക്കമുള്ള സഹായങ്ങൾ നൽകിയത് ഇന്ത്യയാണ്.
ആഗോളവത്ക്കരിക്കപ്പെട്ട സംസ്ഥാനമാണ് കേരളം. ലോകത്ത് എവിടെപ്പോയാലും മലയാളികളെ കാണാൻ സാധിക്കും. മികച്ച കഴിവും സാധ്യതകളുമുള്ളവരാണ് മലയാളികൾ.
റഷ്യയിൽ നിന്ന് രണ്ട് മലയാളികളെ തിരികെ കൊണ്ടുവരാൻ നയന്ത്ര തലത്തിൽ ഇടപെടലുകൾ നടത്തി. വ്യാജ റിക്രൂട്ടിംഗ് ഏജൻസികൾക്കെതിരെ കർശന നിലപാട് സ്വീകരിക്കുമെന്നും അദ്ദേഹം പറഞ്ഞു.
ഡിജിറ്റൽ സേവനരംഗത്ത് ഇന്ത്യക്കും പ്രത്യേകിച്ച് കേരളത്തിനും മികച്ച സാധ്യതകളാണ് ഉള്ളത്. പ്രത്യേകിച്ച് സ്പേസുമായി ബന്ധപ്പെട്ട് സെമികണ്ടക്ടർ, ഇന്നവേഷൻ ബിസിനസ്, സ്റ്റാർട്ടപ്പുകളിൽ നിരവധി സാധ്യതകളുണ്ട്. ചെറുപ്പക്കാർക്ക് തൊഴിൽ നൽകാൻ കഴിയുന്ന ഡിജിറ്റൽ ബിസിനസ് രംഗത്ത് തിരുവനന്തപുരത്തെ ബി ജെ പി സ്ഥാനാർത്ഥിയായ രാജീവ് ചന്ദ്രശേഖറിന് മികച്ച സംഭാവന നൽകാൻ കഴിയും.
കോവിഡ് കാലത്ത് വിദേശ രാജ്യങ്ങളിലെ ഇന്ത്യാക്കാരെ തിരികെയെത്തിക്കുന്നതിൽ സഹമന്ത്രിയായിരുന്ന വി മുരളീധരൻ മികച്ച പ്രവർത്തനമാണ് കാഴ്ചവച്ചത്. കേരളത്തിൽ നിന്ന് തന്നെ സഹായിക്കാൻ രാജീവ് ചന്ദ്രശേഖറും വി മുരളീധരനും ലോകസഭയിൽ ഉണ്ടാകണമെന്നും അദ്ദേഹം പറഞ്ഞു.