Tanur boat tragedy | താനൂർ ബോട്ട് അപകടം: ബോട്ട് ഉടമ നാസറിന് മേൽ കൂടുതൽ കുറ്റങ്ങൾ ചുമത്തിയേക്കും

കഴിഞ്ഞ ദിവസം രാത്രി നാസറിനെ കോഴിക്കോട് നിന്നും മലപ്പുറത്തേക്ക് കൊണ്ട് വന്നു. താനൂർ ബോട്ടപകടം അന്വേഷിക്കുന്ന പ്രത്യേക അന്വേഷണ സംഘം ഇയാളെ ചോദ്യം ചെയ്യും. വൈകിട്ട് പരപ്പനങ്ങാടി കോടതിയിലാകും നാസറിനെ ഹാജരാക്കുക. കസ്റ്റഡിയിൽ വാങ്ങി തെളിവെടുപ്പും മറ്റും പിന്നീട് നടത്തും.

Also read: Tanur boat tragedy | താനൂർ ബോട്ട് ദുരന്തത്തിൽ 11 പേരെ നഷ്‌ടപ്പെട്ട കുടുംബത്തിന് വീടുവച്ച് നൽകുമെന്ന് മുസ്ലിം ലീഗ്

advertisement

നിലവിൽ നരഹത്യാകുറ്റമാണ് നാസറിനെതിരെയുള്ളത്. വധശ്രമത്തിനടക്കമുള്ള വകുപ്പുകൾ ചേർത്ത് കൂടുതൽ കുറ്റങ്ങൾ ഇയാൾക്ക് മേൽ ചുമത്തും. മലപ്പുറം എസ്.പി. സുജിത്ത് ദാസിൻ്റെ മേൽനോട്ടത്തിൽ താനൂർ ഡിവൈഎസ്പി വി.വി. ബെന്നിയാണ് കേസന്വേഷിക്കുന്നത്.

ഏറെ രാഷ്ട്രീയ സ്വാധീനമുള്ള നാസറിനെ ബോട്ടപകടം ഉണ്ടായി 24 മണിക്കൂറിനുള്ളിൽ പിടികൂടാൻ പോലീസിന് സാധിച്ചത് കേസിൽ നേട്ടമായാണ് കരുതുന്നത്.