TRENDING:
എന്നാല് ക്യാമ്പില് കെ.മുരളീധരനെ ചിലര് വിമര്ശിച്ചതായി ചില മാധ്യമങ്ങള് തെറ്റായി റിപ്പോര്ട്ട് ചെയ്തത് ശ്രദ്ധയില്പ്പെട്ടിട്ടുണ്ട്. ഈ വാര്ത്ത പൂര്ണ്ണമായും അടിസ്ഥാനരഹിതവും ശുദ്ധ അസംബന്ധവുമാണ്. കേരളത്തിലെ കോണ്ഗ്രസിന് പുതിയ ഉണര്വ്വും ദിശാബോധവും നല്കുന്ന ചര്ച്ചകളാണ് കെപിസിസി ക്യാമ്പ് എക്സിക്യൂട്ടീവ് നടന്നത്. കോണ്ഗ്രസിന്റെ ചരിത്രത്തിലാദ്യമാണ് സംഘടനാചര്ച്ചകള് പുറത്തുവരാതെ നടത്തിയ ഈ സമ്മേളനം. ഒരുതരത്തിലുള്ള അഭിപ്രായ വ്യത്യാസവും ഉണ്ടായിട്ടില്ല. ഇതിന് കടകവിരുദ്ധമായ വാര്ത്ത എവിടെന്നാണ് ലഭിച്ചത് എന്നത് മാധ്യമങ്ങള് വ്യക്തമാക്കണമെന്നും സുധാകരന് ആവശ്യപ്പെട്ടു.
സത്യത്തിന്റെ കണികപോലുമില്ലാത്ത ഈ വാര്ത്ത പ്രവര്ത്തകരെയും പൊതുജനങ്ങളെയും തെറ്റിധരിപ്പിക്കുന്നത് മാത്രമാണ്. നല്ലരീതിയില് നടന്ന കെപിസിസി ക്യാമ്പ് എക്സിക്യൂട്ടിവിന്റെ മഹത്വവും പ്രസക്തിയും തകര്ക്കാനുള്ള ബോധപൂര്വ്വമായ ശ്രമമായാണ് ഈ വാര്ത്തയെ കെപിസിസി കാണുന്നത്. ഈ വാര്ത്തകളുടെ ഉറവിടം പരിശോധിക്കാന് മാധ്യമങ്ങള് തയ്യാറാകണം. മാധ്യമപ്രവര്ത്തനത്തിന്റെ വിശ്വാസ്യത തകര്ക്കപ്പെടുന്നതും ചോദ്യം ചെയ്യപ്പെടുന്നതുമാണ് ഇത്തരത്തിലുള്ള വസ്തുതാവിരുദ്ധമായ വാര്ത്തകള്. തെറ്റുതിരുത്താന് ഈ മാധ്യമങ്ങള് തയ്യാറാകണമെന്ന് കെ.സുധാകരന് ആവശ്യപ്പെട്ടു.
advertisement
Click here to add News18 as your preferred news source on Google.