പൊങ്കാലയ്ക്കുള്ള ഒരുക്കങ്ങൾ തയ്യാറാക്കി മടങ്ങുന്നതിനിടെ ട്രെയിൻ തട്ടി വയോധികയും പെൺകുട്ടിയും മരിച്ചു

ആറ്റുകാൽ പൊങ്കാലയോട് അനുബന്ധിച്ച് വർക്കല അയന്തിയിലെ റെയിൽവേ പാളത്തിനു സമീപമുള്ള വലിയ മേലേതിൽ ക്ഷേത്രത്തിൽ പൊങ്കാല ഇടാറുണ്ട്. ഇതിനുള്ള ഒരുക്കങ്ങൾ എല്ലാം തയ്യാറാക്കിയ ശേഷം വീട്ടിലേക്ക് പോകുന്ന വഴിക്കായിരുന്നു അപകടം.

ഇവരുടെ വീടിന് മുന്നിലുള്ള പാളത്തിലാണ് അപകടം. വര്‍ക്കല പോലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു. ഇരുവരുടെയും മൃതദേഹങ്ങൾ പാരിപ്പള്ളി മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.