മലങ്കര സഭ ഭിന്നിക്കരുതെന്ന പ്രധാനമന്ത്രിയുടെ നിലപാട് സ്വാഗതം ചെയ്യുന്നു; ഓർത്തഡോക്സ് സഭ

കഴിഞ്ഞ ദിവസം പരിശുദ്ധ ഇഗ്നാത്തിയോസ് അപ്രേം ദ്വിതീയൻ പാത്രിയർക്കീസ് ബാവാ പ്രധാനമന്ത്രിയുമായി നടത്തിയ കൂടിക്കാഴ്ചയിലാണ് സഭകൾ ഒന്നിച്ചുനിൽക്കണമെന്ന നിലപാട് മോദി വ്യക്തമാക്കിയത്. സഭ ഭാഗിക്കണമെന്ന ആവശ്യത്തോട് പ്രധാനമന്ത്രി സമ്മതം മൂളുമെന്ന് കരുതുന്നില്ലെന്നും, മലങ്കര സഭയുടെ അസ്തിത്വത്തിനെതിരായ നിലപാട് ആരും സ്വീകരിക്കില്ലെന്നും കാതോലിക്കാ ബാവാ പറഞ്ഞു.

പൗരാണിക പാരമ്പര്യമുള്ള യഥാർഥ ഭാരതീയ സഭയെന്ന വിശേഷണമാണ് ബിജെപിയും ആർഎസ്എസും മലങ്കര സഭയ്ക്ക് നൽകിയിട്ടുള്ളത്. സഭ ഒന്നായി മുന്നോട്ടുപോകണമെന്ന തങ്ങളുടെ ഉറച്ച നിലപാട് കേന്ദ്ര-സംസ്ഥാന സർക്കാരുകളെ നേരത്തെ തന്നെ അറിയിച്ചിട്ടുള്ളതാണെന്നും അദ്ദേഹം കൂട്ടിച്ചേർത്തു. സഭാ സമാധാനത്തിനായി മറ്റെങ്ങും പോകേണ്ടതില്ലെന്നും സഭയുടെ സ്വത്വവും സത്യവും മനസ്സിലാക്കിയാൽ മതിയെന്നും ബാവാ വിശ്വാസികളോട് പറഞ്ഞു.

advertisement