സുന്ദരമീ ബന്ധം! ഇ.കെ നായനാരുടെ ഭാര്യ ശാരദാ ടീച്ചറെ സന്ദർശിച്ച് പത്മജാ വേണു​ഗോപാൽ

'ബന്ധങ്ങൾ എത്ര സുന്ദരം! എന്റെ അമ്മയുടെ അടുത്ത സുഹൃത്തായ ശാരദ ആന്റിയെ ഇന്ന് കണ്ണൂർ വീട്ടിൽ പോയി കണ്ടു. ആ സ്നേഹവും വാത്സല്യവും ലഭിക്കാൻ ഇനിയും ഭാഗ്യമുണ്ടാകട്ടെ എന്ന് പ്രാർത്ഥിച്ചു കൊണ്ട് അവിടെ നിന്ന് ഇറങ്ങി.'- പത്മജ വേണു​ഗോപാൽ ഫെയ്സ്ബുക്കിൽ കുറിച്ചു. ശാരദ ടീച്ചറോടൊപ്പം നിൽക്കുന്ന ചിത്രങ്ങളും പത്മജ വേണു​ഗോപാൽ ഫെയ്സ്ബുക്കിൽ പങ്കുവച്ചിട്ടുണ്ട്.

ഇക്കഴിഞ്ഞ ഡിസംബർ ഏഴിനായിരുന്നു ശാരദ ടീച്ചറിന്റെ നവതി ആഘോഷിച്ചത്. നാല് തലമുറയ്ക്കൊപ്പമുള്ള ശാരദ ടീച്ചറുടെ ജന്മദിന ആഘോഷത്തിൽ രാ്ഷ്ട്രീയ സാംസ്കാരിക മേഖലയിൽ നിന്നുള്ളവർ പങ്കെടുത്തിരുന്നു. കേന്ദ്രമന്ത്രി സുരേഷ് ​ഗോപി നവതി ആഘോഷത്തിൽ പങ്കെടുക്കാൻ അന്നെത്തിയത് ഏറെ ശ്രദ്ധനേടിയിരുന്നു.

advertisement

താന്‍ ഈ വേദിയില്‍ നില്‍ക്കുന്നത് രാഷ്ട്രീയ പ്രവര്‍ത്തകനോ മന്ത്രിയോ സിനിമാ നടനോ ആയിട്ടല്ലെന്നും ശാരദാമ്മയുടെ മൂത്തമകനായിട്ടാണെന്ന് ശാരദടീച്ചറുടെ തൊണ്ണൂറാം പിറന്നാള്‍ ആഘോഷത്തില്‍ പങ്കെടുത്തുകൊണ്ട് സുരേഷ് ഗോപി അന്ന് പറഞ്ഞിരുന്നു.സ്പീക്കർ എ എൻ ഷംസീർ, സിപിഎം നേതാവ് ഇ പി ജയരാജൻ, ബിജെപി നേതാവ് സി കെ പത്മനാഭൻ, ആർഎസ്പി നേതാവ് ഷിബു ബേബി ജോൺ തുടങ്ങിയവർ അന്ന് ചടങ്ങിൽ പങ്കെടുത്തിരുന്നു.