'സേവനം നൽകാതെ പണം കൈപ്പറ്റിയെന്ന് എസ്എഫ്ഐഒക്ക് മൊഴി നൽകിയെന്ന വാർത്ത വാസ്തവവിരുദ്ധം'; വീണാ വിജയൻ

ചിലർ പ്രചരിപ്പിക്കുന്ന തരത്തിൽ ഒരു മൊഴിയും നൽകിയിട്ടില്ലെന്നും താനോ എക്‌സാലോജിക് സൊല്യൂഷൻസോ സേവനങ്ങൾ നൽകാതെ സിഎംആർഎല്ലിൽനിന്ന് പണം കൈപ്പറ്റി എന്ന തരത്തിലുള്ള മൊഴി നൽകിയിട്ടില്ലെന്നും പ്രചരിക്കുന്നത് വസ്തുതാവിരുദ്ധമായ കാര്യങ്ങളാണെന്നും വീണ പറഞ്ഞു.

വീണയുടെ പേരിൽ ഇല്ലാത്ത വാർത്തയാണ് പ്രചരിക്കുന്നതെന്ന ഭർത്താവും മന്ത്രിയുമായ പിഎ മുഹമ്മദ് റിയാസും പ്രതികരിച്ചു. കേസ് കോടതിയിൽ നടക്കുന്നുണ്ടെന്നും ഏതെങ്കിലും ഒരു പാർട്ടിയുടെ ഓഫീസിൽ തയാറാക്കുന്ന ഇത്തരം വാർത്തകളിൽ സത്യമില്ലെന്നും അദ്ദേഹം പറഞ്ഞു.

സിഎംആര്‍എല്ലിന് സേവനം നൽകിയിട്ടില്ലെന്ന് വീണ സമ്മതിച്ചതായി എസ്എഫ്ഐഒ സമർപ്പിച്ച കുറ്റപത്രത്തിലാണ് വ്യക്തമാക്കിയിട്ടുള്ളത്.എറണാകുളം സെഷന്‍സ് കോടതിയില്‍ സമര്‍പ്പിച്ച കുറ്റപത്രത്തിലാണ് ഇതുസംബന്ധിച്ച് വിവരങ്ങളുള്ളത്.

advertisement