പാലക്കാട് ദേശീയപാതയിൽ തണ്ണിമത്തൻ പിക്കപ്പ് വാൻ ഓടിച്ചിട്ട് പിടികൂടിയപ്പോൾ ഉള്ളിൽ സ്ഫോടക വസ്തു

ബുധനാഴ്ച രാത്രി എട്ടരയോടെയാണ് സംഭവം. പോലീസ് കൈകാണിച്ചിട്ടും നിർത്താതെ പോയ വാഹനത്തെ കിലോമീറ്ററുകളോളം പിന്തുടർന്നാണ് പിടികൂടിയത്. വാഹനത്തിൽ പരിശോധന നടത്തിയപ്പോൾ തണ്ണിമത്തൻ ചാക്കുകൾക്ക് താഴെ രഹസ്യമായി സൂക്ഷിച്ച നിലയിൽ നൂറിലധികം പെട്ടികൾ കണ്ടെത്തുകയായിരുന്നു.

പെട്ടികൾക്കുള്ളിൽ ഡിറ്റനേറ്ററുകളും ജലാറ്റിൻ സ്റ്റിക്കുകളുമാണെന്ന് പോലീസ് സ്ഥിരീകരിച്ചു. കരിങ്കൽ ക്വാറികളിൽ ഉപയോഗിക്കുന്നതിനായി തമിഴ്‌നാട്ടിൽ നിന്ന് അനധികൃതമായി എത്തിച്ചതാണ് ഇവയെന്നാണ് പോലീസിന്റെ പ്രാഥമിക നിഗമനം. വൻ സ്‌ഫോടനശേഷിയുള്ള വസ്തുക്കൾ യാതൊരു സുരക്ഷാ മാനദണ്ഡങ്ങളും പാലിക്കാതെയാണ് ജനവാസ മേഖലയിലൂടെ കടത്താൻ ശ്രമിച്ചത്. സംഭവത്തിൽ സ്‌ഫോടകവസ്തുക്കൾ എവിടേക്കാണ് കൊണ്ടുപോയതെന്ന് അറിയാൻ പോലീസ് അന്വേഷണം ഊർജിതമാക്കിയിട്ടുണ്ട്.

advertisement