മിഠായിത്തെരുവിൽ നടന്ന അക്രമങ്ങൾ തടയുന്നതിൽ കമ്മീഷണർ പരാജയപ്പെട്ടുവെന്ന ഉമേഷിന്റെ പോസ്റ്റ് സാമൂഹ്യമാധ്യമങ്ങളിലടക്കം വലിയ ചർച്ചക്ക് വഴിവച്ചിരുന്നു. ഇതിന് പിറകെ കോഴിക്കോട് സിറ്റി പൊലീസ് കമ്മീഷണറും ജില്ലാ പൊലീസ് മേധാവിയുമായിരുന്ന എസ്.കാളിരാജ് മഹേഷ് കുമാറിനെ സ്ഥലം മാറ്റുകയും ചെയ്തു. പൊലീസ് ആസ്ഥാനത്തേക്കാണ് അദ്ദേഹത്തെ സ്ഥലം മാറ്റിയത്. സഞ്ജയ് കുമാര്‍ ഗരുഡാണ് നിലവിൽ കോഴിക്കോട് സിറ്റി പൊലീസ് കമ്മീഷണർ.
advertisement
ഉമേഷ് വള്ളിക്കുന്നിന്റെ ഫേസ്ബുക്ക് പോസ്റ്റ്
ഒപ്പം നിന്ന പതിനായിരക്കണക്കിന് വലിയ മനസ്സുകൾക്കും സോഷ്യൽ/പ്രിന്റ്/ വിഷ്വൽ മാധ്യമങ്ങൾക്കും സഹപ്രവർത്തകർക്കും അഭിവാദ്യങ്ങളും നന്ദിയും തീരാത്ത സ്നേഹവും.❤
ജനതയെ ഒറ്റുന്നവനോടൊപ്പമല്ല,
മനുഷ്യപക്ഷത്ത് തന്നെയാണ്
അടിയുറച്ചു നിൽക്കേണ്ടതെന്ന് ആവർത്തിച്ചുറപ്പിക്കാനുള്ള
ഊർജ്ജമാണ് ഇന്നത്തെ പകൽ
പകർന്നു കിട്ടിയത്.
നിയമവും നീതിയും നടപ്പാക്കാനുള്ള
ഏത് നടപടികളും അംഗീകരിച്ച് ഒപ്പം നിൽക്കും.
അനീതിയുടെ ഒളിയമ്പുകളാണെയ്യുന്നതെങ്കിൽ
പൊരുതിയേ വീഴൂ.
***
"സസ്പെൻഷൻ കിട്ടി വീട്ടിലിരിക്കുമ്പോഴേ അതിന്റെ വിഷമം അറിയൂ" എന്ന് അനുഭവമുള്ള കൂട്ടുകാരി സ്നേഹപൂർവ്വം.❤
വീട്ടിലിരിക്കുന്നതെന്തിനെന്ന് ഞാൻ.
പുസ്തകങ്ങൾ, സിനിമകൾ, എത്ര ദൂരം പോയാലും തീരാത്ത റോഡുകൾ, കണ്ടാൽ തീരാത്തത്ര ഭൂപ്രദേശങ്ങൾ,
സ്നേഹം കൊളുത്തി വച്ച് കാത്തിരിക്കുന്ന നൂറുകണക്കിന് മനുഷ്യർ......
ഒരു സസ്പെൻഷൻ കാലം കൊണ്ട് ഓടിയെത്താനാവുമോ ഇത്തിരിയിടത്തെങ്കിലും.....
❤❤❤