TRENDING:
ചൂരല്മലയിലേയും മുണ്ടക്കയത്തിലേയും സര്ക്കാര് സഹായങ്ങള് ലഭിക്കാത്ത കച്ചവടസ്ഥാപനത്തിന്റെ 40 ഉടമകള്ക്ക് 5 ലക്ഷം രൂപവീതം ചടങ്ങില് കൈമാറും. ഇവര് പ്രിയങ്ക ഗാന്ധിയെ നേരില്ക്കണ്ട് അവരുടെ പ്രയാസങ്ങള് അറിയിച്ചിരുന്നു. അതിന്റെ അടിസ്ഥാനത്തിലാണ് പ്രിയങ്ക ഗാന്ധിയുടെ സഹായം.
3.24 ഏക്കര് സ്ഥലമാണ് രജിസ്റ്റര് ചെയ്തത്. 2.18 ഏക്കര് സ്ഥലത്തിന്റെ രജിസ്ട്രേഷന് ഈ ആഴ്ചയില് നടക്കും. 5.42 ഏക്കറിലായാണ് 50 വീടിന്റെ നിര്മ്മാണം നടക്കുക. ഒരു വീടിന്റെ ഉടമയ്ക്ക് 8 സെന്റ് സ്ഥലം നല്കും. 1100 ചതുരശ്ര അടി വിസ്തീര്ണ്ണത്തിലാണ് ഒരു വീട് നിര്മ്മിക്കുക. ഇതിന്റെ തുടര്ച്ചയായി മേപ്പാടി പഞ്ചായത്തിലെ ഏഴാഞ്ചിറ പ്രദേശത്ത് അഞ്ച് ഏക്കര്കൂടി സ്ഥലം ഏറ്റെടുത്ത് 50 വീടിന്റെ നിര്മ്മാണവും ആരംഭിക്കും.
advertisement
ദുരിതബാധിതരായ ആളുകള്, പാടിയില് താമസിച്ചിരുന്നവര്, സാങ്കേതിക കാരണങ്ങള് പറഞ്ഞ് സര്ക്കാര് ലിസ്റ്റില് നിന്നും ഒഴിവാക്കപ്പെട്ട ദുരിതബാധിതര്, എന്നിവരാണ് വീടിന്റെ ഗുണഭോക്താക്കള്. നിര്മ്മാണവുമായി ബന്ധപ്പെട്ട് മണ്ണിന്റെ ഘടനാ പരിശോധന പൂര്ത്തിയായി. നിര്മ്മാണ പ്രദേശത്തെ നീരൊഴുക്ക് സംബന്ധിച്ച പഠനം കഴിഞ്ഞു. എന്വയോണ്മെന്റ് എഞ്ചിനീയറിങ്ങ് ഉള്പ്പെടെയുള്ള നടപടികള് പൂര്ത്തിയാക്കി ഏറ്റവും മികച്ച സൗകര്യങ്ങളോടുകൂടിയുള്ള വീടുകളായിരിക്കും കൈമാറുക.
26 ന് 2.30ന് നടക്കുന്ന ചടങ്ങില് കോണ്ഗ്രസ് യുഡിഎഫ് നേതാക്കളും വിവിധ മേഖലയില് നിന്നുള്ള പ്രമുഖരും പങ്കെടുക്കും. സര്ക്കാര് ഭൂമി ഏറ്റെടുത്തപ്പോള് കൊണ്ടുവന്ന ഇളവുകള് കോണ്ഗ്രസ് ഭൂമി ഏറ്റെടുത്തപ്പോള് ലഭിച്ചിട്ടില്ലെന്ന് കെപിസിസി പ്രസിഡന്റ് വ്യക്തമാക്കി. വര്ക്കിങ്ങ് പ്രസിഡന്റുമാരായ എ.പി. അനില്കുമാര്, ഷാഫി പറമ്പില്, ഡിസിസി പ്രസിഡന്റ് ജോസഫ് ടാജറ്റ് എന്നിവരും വാർത്താസമ്മേളനത്തില് പങ്കെടുത്തു.
Summary: KPCC President Sunny Joseph MLA announced at a press conference that Opposition Leader Rahul Gandhi will lay the foundation stone of 50 houses that the Congress will build and provide to the victims of the natural disaster in Wayanad on the 26th of this month at 2 pm at Kunnambatta in Meppadi panchayat
Click here to add News18 as your preferred news source on Google.