മുഖ്യമന്ത്രിയുടെ ചിത്രമടങ്ങിയ കൂറ്റൻ ഫ്ളക്സ് വച്ചതിന് 5,600 രൂപ സെക്രട്ടേറിയറ്റ് എംപ്ലോയീസ് അസോസിയേഷൻ പിഴയടച്ചു

അനധികൃതമായി ഫ്ലക്സ് സ്ഥാപിച്ചതിന് സംഘടനയുടെ പ്രസിഡൻറ് പി ഹണിയെയും പ്രവർത്തകനായ അജയകുമാറിനെയും പോലീസ് പ്രതിചേർത്തിരുന്നു. വിവാദ ഫ്ലക്സ് നഗരസഭ നീക്കം ചെയ്തു.

ഫ്ലക്സ് സ്ഥാപിച്ചത് അന്വേഷിക്കാൻ നേരത്തെ പ്രത്യേകം സംഘത്തെ നിയോഗിച്ചിരുന്നു. ഇതിനിടെയാണ് പിഴ ഈടാക്കിയത്. നിയമം നടപ്പാക്കേണ്ട ഉദ്യോഗസ്ഥർതന്നെ ഫ്ളക്സ് വച്ചതിൽ നടപടി വേണമെന്ന ഹൈക്കോടതി ആവശ്യപ്പെട്ടത് പിന്നാലെയായിരുന്നു നടപടി.