സുരേഷ്ഗോപിക്ക് ഹൈക്കോടതിയിൽ തിരിച്ചടി; ലോക്‌സഭാംഗത്വം റദ്ദാക്കണമെന്ന് ആവശ്യപ്പെട്ടുള്ള ​ഹർജി നിലനിൽക്കും

തിരഞ്ഞെടുപ്പ് ചോദ്യം ചെയ്തുള്ള ഹര്‍ജി തള്ളാനാവില്ലെന്നും സുരേഷ് ഗോപി വിചാരണ നേരിടണമെന്നും ജസ്റ്റിസ് കൗസർ എഡപ്പഗത്ത് വ്യക്തമാക്കി. ഹൈക്കോടതി സിം​ഗിൾ ബെഞ്ച് ഉത്തരവിനെതിരെ സുരേഷ് ​ഗോപി ഡിവിഷൻ ബെഞ്ചിനെ സമീപിച്ചേക്കും.

തിരഞ്ഞെടുപ്പ് പ്രചാരണവേളയിൽ സുരേഷ് ​ഗോപി മതചിഹ്നങ്ങൾ ഉപയോ​ഗിച്ചുവെന്നും ഇത് ​ഗുരുതര ക്രമക്കേടാണെന്നും ബിനോയി ഹർജിയിൽ ആരോപിച്ചിരുന്നു. എന്നാൽ ഈ ഹർജി അനാവശ്യമാണെന്നും റദ്ദാക്കണമെന്നും ആവശ്യപ്പെട്ടാണ് സുരേഷ്​ഗോപി ഉപഹർജി സമർപ്പിച്ചത്.