കോണ്‍ഗ്രസിലെ വേട്ടമൃഗമായിരുന്നു താനെന്ന് ശോഭനാ ജോര്‍ജ്

പാര്‍ട്ടിയില്‍ ഏറ്റവുമധികം വേട്ടായാടിയത് രമേശ് ചെന്നിത്തലയാണ്. ബാലജനസഖ്യം മുതല്‍ ഒരുമിച്ച് പ്രവര്‍ത്തിച്ചിട്ടും പാര്‍ട്ടിയില്‍ മടങ്ങിയെത്തിയ തനിക്ക് അര്‍ഹിക്കുന്ന പരിഗണന കെപിസിസി പ്രസിഡന്റായിരുന്ന ചെന്നിത്തല നല്‍കിയിരുന്നില്ല. താന്‍ പാര്‍ട്ടിയില്‍ ആരുടെയും ഓമനയാകാത്തത് കൊണ്ടാകാം തഴയപ്പെട്ടതെന്ന് നേരത്തെ ശോഭന പറഞ്ഞത് വിവാദങ്ങള്‍ ഉയര്‍ത്തിയിരുന്നു. ഇതേ പ്രസ്താവന ആവര്‍ത്തിച്ച അവര്‍, ആരുടെയും ഓമനയാവാത്തതു കൊണ്ടാവണം ഷാനിമോള്‍ ഉസ്മാന്‍ അടക്കമുള്ളവര്‍ അര്‍ഹിച്ച ഉയരങ്ങളില്‍ എത്താത്തതെന്നും ആരോപിച്ചു.