കണ്ണൂരിൽ സുഹൃത്തുക്കൾക്കൊപ്പം പുഴയിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു

സ്കൂളിൽ മറ്റൊരു പരീക്ഷ നടക്കുന്നതുകൊണ്ട്  ക്ലാസ് അവധിയായിരുന്നു. വീടിന് സമീപത്ത് ആയിപ്പുഴ ഭാഗത്താണ് മറ്റ് രണ്ട് സുഹൃത്തുകൾക്കൊപ്പം ഷാമിൽ കുളിക്കാൻ ഇറങ്ങിയത്. കുളിക്കുന്നതിനിടെ പുഴയുടെ മറുകരയുടെ കരയിലെത്തിയ ഷാമിൽ പുഴയിലെ കുഴിയിൽ മുങ്ങി മരിക്കുകയായിരുന്നു.

നാട്ടുകാർ ഉടൻതന്നെ ഷാമിലിനെ പുറത്തെടുത്ത് ഇരിക്കൂർ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റുമോർട്ടത്തിനായി കണ്ണൂർ സർക്കാർ മെഡിക്കൽ കോളേജിലേക്ക് മാറ്റി. സജ്ന, സഹല, മിൻഹ എന്നിവർ ഷാമിലിന്റെ സഹോദരങ്ങളാണ്.