ഇത്ര ചെറിയ ബാലറ്റ് പേപ്പർ നിക്ഷേപിക്കാൻ ദ്വാരത്തിന് ഇത്ര വലിപ്പം വേണോ? അടിമുടി ദുരൂഹതയെന്ന് സണ്ണി ജോസഫ്

വിരലുകൾ കടക്കാൻ പറ്റുന്ന വലിപ്പത്തിലുള്ള ദ്വാരം ബാലറ്റ് പെട്ടിക്ക് എന്തിനാണ്. അതിന് ഒരു സുരക്ഷിതത്വവുമില്ല. ബാലറ്റ് പെട്ടി കുത്തനെ പിടിച്ചാൽ ബാലറ്റ് പുറക്കേക്ക് വരും. ഈര്‍ക്കിലിയോ ചെറിയ കമ്പി കഷണമോ ഉപയോഗിച്ച് ബാലറ്റ് എളുപ്പത്തില്‍ പുറത്തെടുക്കാൻ പറ്റുമെന്നും സണ്ണി ജോസഫ് പറഞ്ഞു.

ഇക്കാര്യം കളക്ടറുമായി സംസാരിച്ചു. എന്നാൽ തട്ടിക്കയറുന്ന സമീപനമായിരുന്നു അദ്ദേഹത്തിന്റേത്. ഇക്കാര്യത്തിൽ കളക്ടർക്ക് ഉത്തരമില്ല. ഇത് ബോധപൂർവമാണോ തിരഞ്ഞെടുപ്പ് അട്ടിമറിക്കാനുള്ള ശ്രമമാണോ. അദ്ദേഹം ഭരണകക്ഷിയുടെ ഏജന്റായാണ് പ്രവർത്തിക്കുന്നത്.

അമ്പലങ്ങളിലും പള്ളികളിലും നേർച്ചപ്പെട്ടിക്ക് ഉണ്ടാക്കിയ ദ്വാരം മാത്രമേ ഇതിനും ആവശ്യമുള്ളൂ. കേന്ദ്ര തിരഞ്ഞെടുപ്പ് കമ്മിഷനോ കേരളത്തിലെ മുഖ്യ തിരഞ്ഞെടുപ്പ് കമ്മിഷനോ ഇതിൽ ഇടപെടണമെന്നും സണ്ണി ജോസഫ് വ്യക്തമാക്കി.

advertisement