'ഇടതുപക്ഷത്തിനെതിരെ ന്യൂനപക്ഷ കേന്ദ്രീകരണം ഉണ്ടാകില്ല;ഒരു സീറ്റ് പോലും ബിജെപിക്ക് കിട്ടില്ല'; പിണറായി വിജയൻ

ചില ഘട്ടങ്ങളിൽ ഇത്തരം ചില പ്രചരണങ്ങൾ ഏശിയിട്ട് ഉണ്ടാകാം, എന്നാൽ ഇപ്പോൾ കാര്യങ്ങൾ അങ്ങനെയല്ല. വർഗീയതക്കെതിരെയും ന്യൂനപക്ഷ സംരക്ഷണത്തിനു വേണ്ടിയും നിരവധി സഖാക്കൾ ജീവൻ നൽകിയിട്ടുണ്ട്. ഇടതുപക്ഷത്തെ അകറ്റിനിർത്തേണ്ടതില്ലെന്ന ബോധ്യം ന്യൂനപക്ഷങ്ങൾക്കുണ്ടായതായും വലിയ സ്വീകാര്യതയാണ് ഇപ്പോൾ ഇടതുപക്ഷത്തിന് ലഭിക്കുന്നതെന്നും അദ്ദേഹം പറഞ്ഞു.

തിരഞ്ഞെടുപ്പിൽ ബിജെപിക്ക് കേരളത്തിൽ ഒരു സീറ്റ് പോലും ലഭിക്കില്ലെന്നും മുഖ്യമന്ത്രി പറഞ്ഞു. ബിജെപി ഉയർത്തുന്ന അവകാശവാദങ്ങൾ ശരിയല്ലെന്നും അവർക്ക് കേരളത്തിൽ യാതൊരുവിധ സ്വീകാര്യതയുമില്ലെന്നും അദ്ദേഹം കൂട്ടിച്ചേർത്തു.