ആനത്താഴ്ച്ചിറ അറിയുമോ? തിരുവനന്തപുരം ടൂറിസം ഭൂപടത്തിലേക്ക് ഇതാ വരുന്നു

പോത്തൻകോട് തിരുവനന്തപുരം നഗരാതിർത്തിയോട് ചേർന്നുള്ള ആണ്ടൂർക്കോണം വെള്ളൂർ വാർഡിലെ ആനതാഴ്ച്ചിറയിൽ 'നൈറ്റ് ലൈഫ്' ഉൾപ്പെടെ നുതന ടൂറിസം പദ്ധതികൾ ആരംഭിക്കുന്നു. അപകട രഹിതമായ ടൂറിസം സാധ്യതകളാണ് ആനതാഴ്ച്ചിറയിലുള്ളത്. ഹെൽത്ത് അക്വാ ടൂറിസത്തിനും ഇവിടെ സാധ്യതകളുണ്ട്. 36 ഏക്കറോളം വിസ്തീർണമുള്ള ആനതാഴ്ച്ചിറയിൽ 7 ഏക്കർ കേന്ദ്ര യൂണിവേഴ്സിറ്റി നിർമാണത്തിനും ശുപാർശ ചെയ്തിട്ടുണ്ട്. കുട്ട വഞ്ചി, ശിക്കാര ബോട്ട്, ഔഷധ സസ്യങ്ങളുടെ പച്ചത്തുരുത്ത്, കൂട്ടികൾക്കായി പരിസ്ഥിതി സൗഹൃദ പാർക്ക്, സൈക്കിൾ സവാരിക്കുള്ള സംവിധാനം, നടപ്പാത തുടങ്ങി സഞ്ചാരികളെ ആകർഷിക്കാൻ വിവിധ പദ്ധതികൾ ആലോചനയിലുണ്ട്.  ഇതിനായി ജലാശയം ഉൾപ്പെടെ ഭൂമി ഏറ്റെടുത്ത് സർക്കാരിന് നൽകും.

advertisement