'നന്മ വിളയിക്കാം': ജൈവ കൃഷിയുമായി ഒരു വിദ്യാർത്ഥിക്കൂട്ടം

വെഞ്ഞാറമൂടിലെ പ്രൈമറി തല വിദ്യാഭ്യാസ രംഗത്ത് വളരെ രീതിയിൽ മുന്നോട്ടു പോകുന്ന ഒരു സ്ഥാപനമാണ് ഗവൺമെൻ്റ് യു പി എസ്. ഇക്കഴിഞ്ഞ ശിശുദിനത്തിൽ വേറിട്ടൊരു മാതൃകയുമായി രംഗത്തെത്തിയിരിക്കുകയാണ് ഇവിടത്തെ അധ്യാപകരും വിദ്യാർത്ഥികളും. സംസ്ഥാനത്തെ പൊതു വിദ്യാലയങ്ങളിൽ പഠനത്തോടൊപ്പം കാർഷിക പ്രവർത്തനങ്ങൾക്കും പ്രാധാന്യം നൽകുന്ന സർക്കാർ പദ്ധതിയുടെ ഭാഗമായി കൃഷിയിലേക്ക് തിരിഞ്ഞിരിക്കുകയാണ് ഗവൺമെൻ്റ് യു പി എസ് വെഞ്ഞാറമൂടിലെ വിദ്യാർത്ഥികൾ.

നന്മ വിളയിക്കാം പദ്ധതി ഉദ്ഘാടനത്തിനിടെ

advertisement

'നന്മ വിളയിക്കാം' പദ്ധതിയുടെ ഭാഗമായാണ് ഈ വർഷത്തെ ജൈവ പച്ചക്കറി കൃഷിക്ക് സ്കൂളിൽ തുടക്കമായത്. ഡി കെ മുരളി എം എൽ എ പരിപാടി ഉദ്ഘാടനം ചെയ്തു. ശിശുദിന ആഘോഷത്തിലാണ് നന്മ വിളയിക്കാം പദ്ധതിയുടെ ഭാഗമായി ഈ വർഷത്തെ ജൈവ പച്ചക്കറി കൃഷിക്ക് തുടക്കമായത്. നെല്ലനാട് ഗ്രാമപഞ്ചായത്ത് പ്രസിഡൻ്റ് ബീന രാജേന്ദ്രൻ അധ്യക്ഷത വഹിച്ചു. ഡി. കെ. മുരളി പദ്ധതി ഉദ്ഘാടനം ചെയ്തു. ശുചിത്വം, ആരോഗ്യം, വിഷമില്ലാത്ത ഭക്ഷണം എന്നിവ സംബന്ധിച്ച് ബോധവൽക്കരണവും കാർഷിക വൃത്തിയിൽ പരിശീലനവുമാണ് നന്മ വിളയിക്കാം പദ്ധതിയിലൂടെ നടപ്പാക്കുന്നത്.

പഠന പ്രവർത്തനങ്ങൾക്ക് പുറമേ ഇത്തരം പാഠ്യേതര വിഷയങ്ങളിൽ കൂടി പ്രാധാന്യം നൽകുന്നതോടെ കുട്ടികൾക്കിത് നൽകുന്നത് പുതിയ ഉണർവാണ്. മണ്ണിനെയും ജൈവ കൃഷിരീതിയെയും ഒക്കെ അടുത്തറിയാനുള്ള അവസരം കൂടിയാണ് ലഭിക്കുക. ഓണത്തോട് അനുബന്ധിച്ചും ഇത്തരം കൃഷി രീതികൾ പല സ്കൂളുകളിലും ചെയ്തു വരാറുണ്ട്.