മികച്ച സ്വീകാര്യതയിൽ വാമനപുരത്തെ ഗ്രാമക്കോടതി, ആദ്യ അദാലത്തിൽ തീർപ്പായത് എട്ടു കേസുകൾ

നിയോജക മണ്ഡലത്തിലും ബ്ലോക്ക് പഞ്ചായത്തിലും ഉൾപ്പെട്ട പത്ത് പഞ്ചായത്തുകളെ ഉൾപ്പെടുത്തി കഴിഞ്ഞ ദിവസമാണ് വ്യവഹാര രഹിത മണ്ഡലം പദ്ധതി വെഞ്ഞാറമൂട് ബ്ലോക്ക് ഓഫീസിൽ ആരംഭിച്ചത്. പ്രത്യേകം തയ്യാറാക്കിയ കോർട്ട് ഹാളും ഇതിനായി സജ്ജീകരിച്ചിട്ടുണ്ട്. പരാതിയുള്ളവർ വിശദമായി എഴുതി തയ്യാറാക്കിയ പരാതികൾ ബ്ലോക്ക്‌ പഞ്ചായത്ത് ഓഫീസുകളിൽ സജ്ജീകരിച്ചിട്ടുള്ള ബോക്സുകളിൽ നിക്ഷേപിക്കുകയേ വേണ്ടു. എല്ലാ മാസവും മൂന്നാമത്തെ ശനിയാഴ്ച ജഡ്ജിയുടെ സാന്നിദ്ധ്യത്തിലുള്ള സിറ്റിംഗിൽ കേസ് പരിഗണനയ്ക്ക് എത്തും. സേവനങ്ങൾ പൂർണമായും സൗജന്യവുമാണ്. കേസുകൾ കൂടുന്നതനുസരിച്ച് കൂടുതൽ ദിവസങ്ങളിലേക്ക് അദാലത്ത് നടത്താൻ തയ്യാറെടുക്കുകയാണ് ലീഗൽ സർവ്വീസ് അതാറിറ്റി.

advertisement

സംശയ നിവാരണത്തിനായി 7025869186 എന്ന മൊബൈൽ നമ്പറിലും ബന്ധപ്പെടാവുന്നതാണ്.