അച്ഛനും അമ്മയും പാതിവഴിയിൽ ഉപേക്ഷിച്ച സ്വപ്നം വർഷങ്ങൾക്കിപ്പുറം സാക്ഷാത്കരിച്ച് പ്ലസ് വൺ വിദ്യാർത്ഥി കാർത്തിക്ക്

കാർത്തിക്

നന്ദാവനം എ ആർ ക്യാമ്പിലെ എസ് ഐ അനീഷ് കൊട്ടാരത്തിനും ഫാർമസിസ്റ്റായ ഭാര്യ എം ആർ അശ്വതിക്കും സ്കൂൾ പഠന കാലത്ത് കായികതാരങ്ങൾ ആകണം എന്നത് വലിയ മോഹമായിരുന്നു. ഇരുവരും സ്പോർട്സ് ഇനങ്ങളിലൊക്കെ പങ്കെടുത്ത് ചെറിയ  സമ്മാനങ്ങൾ ഒക്കെ നേടിയിട്ടുണ്ട്. എന്നാൽ അന്നത്തെ കാലത്ത് മക്കളെ കായിക മത്സരങ്ങളിൽ പങ്കെടുപ്പിക്കാനോ അതിനുവേണ്ട പരിശീലനം നൽകാനോ വേണ്ട സാമ്പത്തിക സ്ഥിതിയൊന്നും ഇരുവീടുകളിലും ഉണ്ടായിരുന്നില്ല. അങ്ങനെ രണ്ടുപേരും സ്പോർട്സ് മോഹം പാതിവഴിയിൽ ഉപേക്ഷിച്ചു.

advertisement

പിന്നീട് മകനിലൂടെ ആ നേട്ടം കൈവരിക്കാൻ ഉള്ള ശ്രമമായി.  അങ്ങനെ അച്ഛനും അമ്മയും പാതിവഴിയിൽ ഉപേക്ഷിച്ച സ്വപ്നം, സ്വർണ്ണ നേട്ടത്തിലൂടെ സാക്ഷാത്കരിച്ചിരിക്കുകയാണ് മകൻ കാർത്തിക് കൃഷ്ണ. വിതുര ഗവൺമെൻ്റ് ഹൈസ്കൂളിലെ പ്ലസ് വൺ വിദ്യാർഥിയായ കാർത്തിക്കിൻ്റെ നേട്ടത്തിൽ നാട്ടുകാരും സന്തോഷത്തിലാണ്.