തിരുവനന്തപുരത്തിൻ്റെ ആദ്യത്തെ ഷോപ്പിംഗ് മാൾ

തിരുവനന്തപുരം അന്താരാഷ്ട്ര വിമാനത്താവളത്തിന് സമീപം ദേശീയപാത 66 ലാണ് മാൾ ഓഫ് ട്രാവൻകൂർ സ്ഥിതി ചെയ്യുന്നത്. നാല് നിലകളുള്ള ഈ ഷോപ്പിംഗ് മാൾ ലുലു മാൾ കഴിഞ്ഞാൽ തിരുവനന്തപുരത്ത് ഏറ്റവും വലിയ രണ്ടാമത്തെ ഷോപ്പിംഗ് മാൾ ആണ്. നാലു നില കൾ ഉള്ള ഏഴു ലക്ഷം ചതുരശ്ര അടി വലിപ്പമുള്ള ഈ മാൾ ലുലു മാൾ വരുന്നതിന് മുൻപ് തിരുവനന്തപുരത്തിൻ്റെ പ്രധാന ആകർഷണങ്ങളിൽ ഒന്നു കൂടിയായിരുന്നു.

ഇന്ത്യയിലെ ആദ്യത്തെ ഗ്രീൻ മാൾ എന്ന നിലയിൽ, മാൾ ഓഫ് ട്രാവൻകൂർ പരിസ്ഥിതി സൗഹൃദ അന്തരീക്ഷത്തിനായി നിരവധി നടപടികൾ സ്വീകരിച്ചിട്ടുണ്ട്. മാളിൻ്റെ മുൻഭാഗത്ത് 70% മതിലും ഉൾക്കൊള്ളുന്ന ഒരു വെർട്ടിക്കൽ ഗാർഡൻ ഉണ്ട്. ഓരോ ദിവസവും 2.5 ടൺ മാലിന്യം സംസ്കരിക്കാൻ ശേഷിയുള്ള മൂന്ന് ജൈവ മാലിന്യ കൺവെർട്ടറുകൾ മാളിൽ ഉണ്ട്. മറ്റ് മാലിന്യങ്ങൾ കൈകാര്യം ചെയ്യുന്നതിനായി, പ്രതിദിനം മൂന്ന് ലക്ഷം ലിറ്റർ മാലിന്യം സംസ്കരിക്കാൻ ശേഷിയുള്ള മലിനജല സംസ്കരണ പ്ലാൻ്റും മാളിൽ സജ്ജമാണ്.

advertisement

സിനിപോളിസിൻ്റെ ഒരു വി ഐ പി സ്‌ക്രീൻ, ഹൈപ്പർ മാർക്കറ്റ്, ജ്വല്ലറി ഷോറൂമുകൾ, ഇലക്ട്രോണിക്‌സ്, ഗൃഹോപകരണ ഷോറൂം, ജീവിതശൈലി ഉൽപ്പന്നങ്ങൾ, ഒരു ഫുഡ് കോർട്ട്, 11 ഇൻഡോർ റൈഡുകളുള്ള ഒരു വലിയ വിനോദ കേന്ദ്രം, ഒരു 9D തിയേറ്റർ, 60 വീഡിയോ കിയോസ്‌ക്കുകൾ, 1.5 കിലോമീറ്റർ ദൈർഘ്യമുള്ള ഒരു ജോഗിംഗ് ട്രാക്ക്, ഏകദേശം 1000 കാറുകൾ, 1200 ഇരുചക്രവാഹനങ്ങൾ പാർക്കിംഗ് സൗകര്യം എന്നിവയും മാളിലെ ചില സൗകര്യങ്ങളാണ്. മാളിൽ ആസാദ് സ്റ്റാർ, ചായ് ചായ്, നാഗാസ്, കെഎഫ്‌സി, മക്‌ഡൊണാൾഡ്‌സ്, ബർഗർ കിംഗ്, ബാസ്‌കിൻ റോബിൻസ്, ഹാജി അലി, കെവൻ്റർസ്, ചിക്കിംഗ്, ഗ്രീൻ, ഫുജിയാൻ എക്‌സ്‌പ്രസ് തുടങ്ങിയ നിരവധി കടകളുമുണ്ട്.