വിഷരഹിത മത്സ്യം ഇനി വീട്ടുപടിക്കൽ: കാട്ടാക്കടയിൽ മത്സ്യഫെഡിൻ്റെ 'അന്തിപ്പച്ച' പദ്ധതിക്ക് തുടക്കം

രാസവസ്തുക്കൾ ചേർക്കാത്തതും വിഷരഹിതവുമായ മത്സ്യം നേരിട്ട് ജനങ്ങളിലേക്ക് എത്തിക്കുക എന്നതാണ് ഈ പദ്ധതിയുടെ പ്രധാന ലക്ഷ്യം. മണ്ഡലത്തിൽ നടപ്പിലാക്കിവരുന്ന 'ജലസമൃദ്ധി' പദ്ധതിയുടെ ഭാഗമായ 'മത്സ്യ സമൃദ്ധി'യിലൂടെ നാശോന്മുഖമായ നിരവധി പൊതുകുളങ്ങൾ നേരത്തെ നവീകരിച്ചിരുന്നു. ഈ കുളങ്ങളിൽ ആരംഭിച്ച മത്സ്യകൃഷി കൂടുതൽ ശക്തിപ്പെടുത്തുന്നതിനും അവിടെ ഉൽപ്പാദിപ്പിക്കുന്ന ശുദ്ധമായ മത്സ്യം അന്തിപ്പച്ച വിപണന കേന്ദ്രത്തിലൂടെ ജനങ്ങൾക്ക് ലഭ്യമാക്കാനും സാധിക്കും.

വറ്റാത്ത ജലസ്രോതസ്സുകൾ ഉറപ്പാക്കുന്നതിനൊപ്പം പ്രാദേശികമായ മത്സ്യ ഉൽപ്പാദനവും വിപണനവും സംയോജിപ്പിച്ചുകൊണ്ട് മണ്ഡലത്തിൽ വലിയൊരു വിപ്ലവത്തിനാണ് ഇതിലൂടെ തുടക്കം കുറിച്ചിരിക്കുന്നത്. പലപ്പോഴും ഗുണമേന്മയുള്ള മത്സ്യത്തിൻ്റെ ലഭ്യത മാർക്കറ്റുകളിൽ കുറവാകുന്ന സാഹചര്യത്തിൽ അന്തിപ്പച്ച പോലെ വീട്ടുപടിക്കൽ എത്തുന്ന മത്സ്യ വാഹനങ്ങൾ സാധാരണക്കാർക്ക് ഏറെ പ്രയോജനപ്പെടും എന്നാണ് പ്രതീക്ഷിക്കുന്നത്.

advertisement