വിദേശ വിപണികളെ വെല്ലുന്ന സൗകര്യങ്ങൾ; അത്യാധുനിക സൗകര്യങ്ങളോടെ പനച്ചമൂട് മാർക്കറ്റ് ഉദ്ഘാടനത്തിന് സജ്ജം

പദ്ധതിയുടെ ഉദ്ഘാടനത്തിന് മുന്നോടിയായുള്ള അവസാനഘട്ട ഒരുക്കങ്ങൾ വിലയിരുത്തുന്നതിനായി വെള്ളറട ഗ്രാമപഞ്ചായത്ത് ഓഫീസിൽ ജനപ്രതിനിധികളുടെയും വ്യാപാരികളുടെയും നിർമ്മാണ വിഭാഗം ഉദ്യോഗസ്ഥരുടെയും സംയുക്ത യോഗം ഇന്ന് ചേർന്നു. കിഫ്ബിയുടെ ധനസഹായത്തോടെ 20 കോടി രൂപയുടെ മാസ്റ്റർ പ്ലാൻ പ്രകാരം നടപ്പിലാക്കുന്ന പദ്ധതിയുടെ ഒന്നാം ഘട്ടമായ 6.11 കോടി രൂപയുടെ നിർമ്മാണ പ്രവർത്തനങ്ങളാണ് ഇപ്പോൾ പൂർത്തിയായിരിക്കുന്നത്.

ഇടനിലക്കാരുടെ ചൂഷണങ്ങളിൽ നിന്ന് കർഷകരെ സംരക്ഷിക്കാനും അവർക്ക് ഉൽപ്പന്നങ്ങൾ നേരിട്ട് വിറ്റഴിക്കാനുമുള്ള മെച്ചപ്പെട്ട സാഹചര്യമൊരുക്കുക എന്ന ലക്ഷ്യത്തോടെ തീരദേശ വികസന കോർപ്പറേഷൻ്റെ മേൽനോട്ടത്തിലാണ് നിർമ്മാണം പൂർത്തിയാക്കിയത്.

advertisement

മത്സ്യ-മാംസ വിപണനത്തിനും പച്ചക്കറികൾക്കും മറ്റ് ഉൽപ്പന്നങ്ങൾക്കുമായി പ്രത്യേക വിഭാഗങ്ങളും ആധുനിക രീതിയിലുള്ള മാലിന്യ സംസ്‌കരണ യൂണിറ്റും ഈ പുതിയ മാർക്കറ്റ് കോംപ്ലക്സിൽ സജ്ജീകരിച്ചിട്ടുണ്ട്. നമ്മുടെ നാടിൻ്റെ വാണിജ്യ സ്വപ്നങ്ങൾക്ക് പുതിയ നിറം പകരുന്ന ഈ വിപണന സിരാകേന്ദ്രം ഉടൻ തന്നെ ജനങ്ങൾക്കായി തുറന്നുകൊടുക്കും.