ശനിദോഷ പരിഹാരത്തിന് അഭയമായി പേയാട് പിറയിൽ ശ്രീ ധർമ്മശാസ്താ ക്ഷേത്രം

ശനിദോഷ പരിഹാരത്തിനായി ഭഗവാന് സമർപ്പിക്കുന്ന നീരാഞ്ജനമാണ് ഇവിടുത്തെ പ്രധാന വഴിപാട്. കൂടാതെ നാഗരൂട്ട്, മൃത്യുഞ്ജയ ഹോമം എന്നിവയും ക്ഷേത്രത്തിലെ പ്രധാന വഴിപാടുകളിൽ ഉൾപ്പെടുന്നു. ​മണ്ഡല മഹോത്സവം, മകര സംക്രമ പൂജ എന്നിവ ക്ഷേത്രത്തിൽ വളരെ വിപുലമായി ആഘോഷിച്ചുവരുന്നു. കൂടാതെ തിരുവോണം, നവരാത്രി, ശിവരാത്രി, പൈങ്കുനി ഉത്രം, പത്താമുദയം, പിതൃതർപ്പണത്തിന് പ്രാധാന്യമുള്ള കർക്കിടക വാവ് തുടങ്ങിയവയും ഇവിടുത്തെ പ്രധാന വിശേഷ ദിവസങ്ങളാണ്.

പിറയിൽ ശ്രീ ധർമ്മശാസ്താ ക്ഷേത്രം ട്രസ്റ്റിൻ്റെ കീഴിലാണ് ക്ഷേത്രഭരണം നിർവ്വഹിക്കപ്പെടുന്നത്. വളരെ പുരാതനമായ ഒരു ക്ഷേത്രം കൂടിയാണ് പിറയിൽ ശ്രീധർമ്മശാസ്താക്ഷേത്രം. കാലപ്പഴക്കം മൂലം ഉണ്ടായ ജീർണതകൾ മാറ്റി ക്ഷേത്രം പുനർ നിർമ്മിക്കപ്പെട്ടിട്ടുമുണ്ട്.​

advertisement