ശ്രീചിത്ര ഹോമിലെ കുട്ടികൾക്ക് ഇനി അറിവിൻ്റെ പുത്തൻ വെളിച്ചം; 'പ്രോജക്ട് അക്ഷരം' പദ്ധതിക്ക് തുടക്കമായി

പ്രമുഖ ഐടി കമ്പനിയായ യുഎസ്ടിയും ഇൻസൈറ്റ് ഫോർ ഇന്നവേഷൻ എന്ന സന്നദ്ധ സംഘടനയും കൈകോർത്താണ് ഈ വിദ്യാഭ്യാസ ശാക്തീകരണ പദ്ധതി നടപ്പിലാക്കുന്നത്. ഒന്ന് മുതൽ ഏഴ് വരെയുള്ള ക്ലാസുകളിലെ വിദ്യാർത്ഥികൾക്ക് വിവിധ വിഷയങ്ങളിൽ ആഴത്തിലുള്ള അടിസ്ഥാന പാഠങ്ങൾ പകർന്നു നൽകുകയും അവരുടെ പഠനമികവ് വർദ്ധിപ്പിക്കുകയുമാണ് ഈ സംരംഭത്തിൻ്റെ പ്രധാന ലക്ഷ്യം.

ചടങ്ങിൽ ശ്രീചിത്ര ഹോം സൂപ്രണ്ട് ശ്രീമതി ബിന്ദു അധ്യക്ഷത വഹിച്ചു. വിദ്യാഭ്യാസ മേഖലയിൽ ഇത്തരം കൂട്ടായ പ്രവർത്തനങ്ങൾ കുട്ടികളുടെ ഭാവി സുരക്ഷിതമാക്കുന്നതിൽ വലിയ പങ്കുവഹിക്കുമെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു. യുഎസ്ടി ഹെഡ് ഓഫ് ടെക്നോളജി ശ്രീ വർഗീസ് ചെറിയാൻ, ഇൻസൈറ്റ് ഫോർ ഇന്നവേഷൻ സിഇഒ ഹേമ ഗോപാലകൃഷ്ണൻ എന്നിവർ പദ്ധതിയുടെ പ്രവർത്തനങ്ങളെക്കുറിച്ച് വിശദീകരിച്ചു. യുഎസ്ടി ടീം അംഗങ്ങളായ വിനീത് മോഹനൻ, സോഫി ജാനറ്റ്, സായി ലക്ഷ്മി, അബീന ബീമ എന്നിവരും ചടങ്ങിൽ സന്നിഹിതരായിരുന്നു.

advertisement