ഓണം ഷോപ്പിംഗ് നഗരസഭയിൽ നിന്നായാലോ? വിലക്കുറവിൻ്റെ മേളയൊരുക്കി തിരുവനന്തപുരം നഗരസഭ

വിപണിയിൽ വെളിച്ചെണ്ണ മുതൽ നിത്യോപയോഗ സാധനങ്ങളുടെ വില കുതിച്ചുയരുമ്പോൾ ഓണ ബജറ്റിൽ താളം തെറ്റി പോകുന്നത് സാധാരണക്കാർക്ക് തന്നെയാണ്. ഇങ്ങനെയുള്ളവർക്ക് കൈത്താങ്ങായി മാറുകയാണ് തിരുവനന്തപുരം നഗരസഭ ഒരുക്കുന്ന ഓണ സഹകരണ വിപണി.

ഓണത്തോട് അനുബന്ധിച്ച് 'തിരുവനന്തപുരം സിറ്റി കോർപ്പറേഷൻ എംപ്ലോയീസ് കോ-ഓപ്പറേറ്റീവ് സൊസൈറ്റിയുടെ' നേതൃത്വത്തിൽ കൺസ്യൂമർഫെഡിൻ്റെ സഹകരണത്തോടെ നഗരസഭ മെയിൻ ഓഫീസിൽ ആരംഭിച്ച ഓണം സഹകരണ വിപണി 2025 നഗരസഭ മേയർ ആര്യ രാജേന്ദ്രൻ ഉദ്ഘാടനം ചെയ്തു. 13 ഇനം നിത്യോപയോഗ സാധനങ്ങൾ സംസ്ഥാന സർക്കാർ സബ്‌സിഡിയോടെ മെയിൻ ഓഫീസിലെ ഔട്ട്ലെറ്റിൽ ലഭ്യമാണ്. വിലക്കുറവിൽ ലഭിക്കുന്ന ഇത്തരം വിപണികൾ പരമാവധി പ്രയോജനപ്പെടുത്തുകയാണ് നഗരവാസികൾ.

advertisement