ഐഎഎസ് തലത്തില്‍ അഴിച്ചുപണി; ടൂറിസം ഡയറക്ടർ പി.ബി. നൂഹിനെ സപ്ലൈകോ എംഡിയായി നിയമിച്ചു

ദീർഘാവധിയിലുള്ള നൂഹ്​ ജോലിയിൽ തിരികെ കയറാനിരിക്കെയാണ്​ മാറ്റം. മദ്യനയവുമായി ബന്ധപ്പെട്ട്​ ടൂറിസം വകുപ്പ്​ യോഗം വിളിച്ചതിൽ ഡയറക്ടർക്ക്​വിയോജിപ്പുണ്ടായിരുന്നതായി വാർത്ത വന്നത്​ വിവാദമായിരുന്നു. നൂഹ്​ അവധിയിൽ പോയപ്പോൾ താൽക്കാലിക ചുമതല വഹിച്ചിരുന്ന ശിഖ സുരേന്ദ്രനാണു പുതിയ ടൂറിസം ഡയറക്ടർ. ഇതോടൊപ്പം കെടിഡിസി എംഡി സ്ഥാനവും ശിഖ വഹിക്കും.

എറണാകുളം ജില്ലാ വികസന കമ്മീഷണർ എം എസ് മാധവിക്കുട്ടിയെ ആരോഗ്യ-കുടുംബക്ഷേമ വകുപ്പ് ഡെപ്യൂട്ടി സെക്രട്ടറിയാക്കി. ഫോർട്ട് കൊച്ചി സബ് കളക്ടർ കെ മീരക്കാണ് എറണാകുളം ജില്ലാ വികസന കമ്മീഷണറുടെ അധിക ചുമതല. കൊച്ചി‍ൻ സ്മാർട്ട് മിഷൻ ലിമിറ്റഡ് സി ഇ ഒ ഷാജി വി നായർക്ക് വൈറ്റില മൊബിലിറ്റി ഹബ് എം ഡിയുടെ അധികച്ചുമതലയും നൽകി.

advertisement