'കർണാടകയിൽ സ്ത്രീകൾക്ക് ബസ് യാത്ര സൗജന്യമെന്ന് പറഞ്ഞ് രാഹുൽ ​ഗാന്ധി പോയി, അവർ നഷ്ടത്തിലാ': ഗണേഷ് കുമാർ

കർണാകടയിൽ സ്ത്രീകൾക്ക് സൗജന്യ യാത്രയെന്ന് പറഞ്ഞ് രാഹുൽ ​ഗാന്ധി ‍പോയി. ഇപ്പോൾ കർണാടക ട്രാൻസ്പോർട്ട് കടുത്ത നഷ്ടത്തിലാണ്. ഇവിടുത്തെ സ്ഥിതി എനിക്ക് അറിയാവുന്നത് പോലെ അവർക്ക് അറിയില്ലല്ലോ.

കെഎസ്ആർടിസി ദൈനംദിനമുള്ള വരുമാന നഷ്ടം കുറയ്ക്കുകയും ചെലവിനേക്കാൾ വരവ് നേടാൻ തുടങ്ങുകയും ചെയ്തിട്ടുണ്ട്. കെഎസ്ആർടിസിക്ക് ധാരാളം കടങ്ങളും പല ബാധ്യതകളും പല സ്ഥലത്തായിട്ടുണ്ട്. പെൻഷനായവർക്ക് പണം കൊടുക്കാനുണ്ട്.

ഞങ്ങൾ തെരഞ്ഞെടുപ്പിന് പൊതുഖജനാവിലെ പണം ധൂർത്തടിച്ച് വോട്ട് ‌വാങ്ങുന്നെന്ന് പറയുന്നു. യുഡിഎഫ് സർക്കാരിന്റെ കാലത്ത് 500 രൂപയായിരുന്ന പെൻഷൻ 600 ആയി വർദ്ധിപ്പിച്ചു. 18 മാസവും ഈ തുക കൈമാറിയില്ല. ഇത് വർദ്ധിപ്പിച്ചത് ഒന്നും രണ്ടും പിണറായി സർക്കാരാണെന്നും ഗണേഷ് കുമാർ പറഞ്ഞു.

advertisement