തിരുവനന്തപുരത്ത് ക്ഷേത്രക്കുളത്തിൽ കുളിക്കാനിറങ്ങിയ 2 ഓട്ടോ ഡ്രൈവർമാർ മരിച്ചു

ഓട്ടോ ഡ്രൈവർമാരായ മൂന്നുപേരാണ് ക്ഷേത്രക്കുളത്തിൽ കുളിക്കാനിറങ്ങിയത്. ആഴമുള്ള കുളമായതിനാൽ ആളുകൾ ഇറങ്ങാതിരിക്കാൻ ചുറ്റുമതിലും ഗേറ്റും കെട്ടിയിരുന്നു. മൂന്നുപേരും മുങ്ങിത്താഴുന്നത് കണ്ട നാട്ടുകാരാണ് രക്ഷാപ്രവർത്തനം നടത്തിയത്.

കുളത്തിൽ നിന്ന് പുറത്തെടുത്തപ്പോഴേക്കും രണ്ടുപേർ മരിച്ചിരുന്നു. ഇവരുടെ മൃതദേഹം തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. സംഭവത്തിൽ മെഡിക്കൽ കോളേജ് പൊലീസ് കേസെടുത്തിട്ടുണ്ട്.