Wayanad Landslide |ആറുദിവസം ദുരന്തഭൂമിയിൽ അലഞ്ഞ ലിയോ ;ഒടുവിൽ അമ്മയെ കണ്ടപ്പോൾ

ദുരന്തത്തിനുശേഷം ദുരിതാശ്വാസ ക്യാമ്പിൽ നിന്ന് ആദ്യമായി ചൂരൽമലയിലേക്ക് വന്ന തന്റെ പ്രിയപ്പെട്ടവരെ അവൻ അകലെ കണ്ടു ആൾക്കൂട്ടത്തിനിടയിൽ നിന്ന് അവർക്ക് അരികിലേക്ക് കുതിച്ചെത്തി ആ അമ്മയുടെ അരികിൽ എത്തിയപ്പോൾ കൊച്ചുകുട്ടിയെ പോലെ അവൻ കരഞ്ഞു. ഉയർന്ന് നെഞ്ചിൽ ചാഞ്ഞു പിന്നെ മുഖത്ത് നക്കി കരച്ചിൽ അടക്കാൻ ആകാതെ ആ അമ്മയും ഒരു മുത്തം നൽകി അവനെ മാറോട് ചേർത്തു . ബിസ്ക്കറ്റും വെള്ളവും നൽകി ആ സ്നേഹം സാക്ഷികളായവരുടെ കണ്ണും നിറഞ്ഞു.

advertisement

അട്ടമലയിൽ താമസിക്കുന്ന ഉമ ബാലകൃഷ്ണനും കുടുംബവും ദുരന്തം ഉണ്ടായ രാത്രിയിൽ ഓടി രക്ഷപ്പെട്ടതാണ് .കോരിച്ചൊരിയുന്ന മഴയത്ത് കൂരിരുട്ടത്തേക്ക് ഇറങ്ങുമ്പോൾ ലിയോയെ അവർ ഉപേക്ഷിച്ചില്ല ചേർത്തുപിടിച്ച് ചൂരൽമല വരെ ഓടി വാഹനത്തിൽ കയറാൻ നേരം അവനെ ടൗണിൽ ഇറക്കി വിടേണ്ടിവന്നു.