കുഞ്ഞിനെ സഹയാത്രികന്റെ കൈയ്യിൽ ഏൽപ്പിച്ച് യുവതി സ്ഥലംവിട്ടു; യുവാവ് ട്രെയിനിൽ കാത്തിരുന്നത് മണിക്കൂറുകളോളം

കണ്ണൂർ- കോഴിക്കോട്- പാലക്കാട് പാസഞ്ചർ ട്രെയിനിലാണ് ഒരു വയസുള്ള ആൺകുഞ്ഞിനെ ഉപേക്ഷിച്ച് യുവതി മുങ്ങിയത്. യുവാവിന്റെ സമീപത്തായാണ് യുവതി കുഞ്ഞുമായി ഇരുന്നത്. അൽപം സമയത്തിന് ശേഷം താൻ ശുചിമുറിയിൽ പോകുന്നുവെന്നും കുറച്ച് നേരം കുഞ്ഞിനെ നോക്കണമെന്നും യുവാവിനോട് പറഞ്ഞു. പിന്നാലെ കുഞ്ഞിനെ യുവാവിന്റെ കൈയ്യിൽ ഏൽപ്പിക്കുകയായിരുന്നു. ഏറെ സമയം കഴിഞ്ഞും യുവതിയുടെ കാണാത്തതോടെ യുവാവ് ശുചിമുറിക്ക് സമീപത്തൊക്കെ തെരഞ്ഞെങ്കിലും കണ്ടില്ല. പരിഭ്രാന്തനായ യുവാവ് അടുത്ത റെയിൽവേ സ്റ്റേഷനിലിറങ്ങി കുഞ്ഞിനെ പൊലീസിന് കൈമാറുകയായിരുന്നു.

advertisement

യുവാവിന്റെ മൊഴിയുടെ അടിസ്ഥാനത്തിൽ യുവതിക്കായി തെരച്ചിൽ ആരംഭിച്ചിട്ടുണ്ട്. പ്രാഥമിക അന്വേഷണത്തിൽ 25 വയസ് തോന്നിക്കുന്ന യുവതിയാണ് കുഞ്ഞിനെ ഉപേക്ഷിച്ച് കടന്നുകളഞ്ഞതെന്ന് പൊലീസിന് വ്യക്തമായിട്ടുണ്ട്. കുഞ്ഞിനെ സിഡബ്ല്യുസി ഒബ്സർവേഷൻ സെന്ററിലേക്ക് മാറ്റി.