ഗുരുവായൂര്‍ അമ്പലനടയില്‍ മൂര്‍ഖനെ തോളിലിട്ട് യുവാവിന്‍റെ അഭ്യാസം; പിന്നാലെ പാമ്പുകടിയേറ്റ് ആശുപത്രിയില്‍

നാരായണാലയം ഭാഗത്തേക്ക് ഇഴഞ്ഞുനീങ്ങിയ പാമ്പിനെ സുനിൽ കുമാർ പിന്തുടര്‍ന്നു പിടികൂടി സുരക്ഷാ ജീവനക്കാരുടെ അടുത്തേക്ക് കൊണ്ടുവന്നു. പോലീസും സുരക്ഷാ ജീവനക്കാരും  പാമ്പിനെ ഒഴിവാക്കാൻ ആവശ്യപ്പെട്ടെങ്കിലും സുനില്‍ കുമാര്‍ തയ്യാറായില്ല. അര മണിക്കൂറോളം ഇയാൾ പാമ്പിനെ തോളിലിട്ട് സാഹസം കാട്ടി. പിന്നാലെ ഇയാളെ പാമ്പ് കടിക്കുകയായിരുന്നു. കടിയേറ്റതിന് ശേഷം ഇയാൾ പാമ്പിനെ സുരക്ഷാ ജീവനക്കാരുടെ ക്യാബിന് നേരെ വലിച്ചെറിയുകയും ചെയ്തു.

തുടര്‍ന്ന് സുനിൽ കുമാറിനെ ദേവസ്വം ജീവനക്കാരും ഭക്തരും ചേർന്ന് ദേവസ്വം മെഡിക്കൽ സെന്ററിലേക്ക് എത്തിച്ചു. പ്രാഥമിക ചികിത്സ നൽകിയ ശേഷം ഇയാളെ തൃശൂർ മെഡിക്കൽ കോളേജിലേക്ക് മാറ്റി. രാവിലെ ആറ് മണിയോടെ പാമ്പു പിടുത്തക്കാരെത്തി ആറടിയോളം നീളമുള്ള മൂര്‍ഖന്‍ പാമ്പിനെ പിടികൂടി കൊണ്ടുപോയി.

advertisement