കൊളസ്ട്രോൾ രണ്ട് തരം അല്ലെങ്കിൽ രണ്ടുതരം ലിപ്പോപ്രോട്ടീനുകൾ ഉണ്ട്. കുറഞ്ഞ സാന്ദ്രത ലിപ്പോപ്രോട്ടീനുകളും (LDL) ഉയർന്ന സാന്ദ്രതയുള്ള ലിപ്പോപ്രോട്ടീനുകളും (HDL). കരൾ ഉൽപ്പാദിപ്പിക്കുന്ന മെഴുക് പോലെയുള്ള കൊഴുപ്പാണ് കൊളസ്ട്രോൾ. കോശ സ്തരങ്ങളുടെയും വിറ്റാമിൻ ഡിയുടെയും രൂപീകരണത്തിൽ ഇത് ഒരു പ്രധാന പങ്ക് വഹിക്കുന്നു. എന്നാൽ, വെള്ളത്തിൽ ലയിക്കാത്തതിനാൽ കൊളസ്‌ട്രോളിന് സ്വയം ശരീരത്തിലൂടെ സഞ്ചരിക്കാൻ കഴിയില്ല. രക്തത്തിലൂടെ കൊളസ്ട്രോൾ നീക്കാൻ സഹായിക്കുന്നത് ലിപ്പോപ്രോട്ടീൻ എന്ന കണികകളാണ്.
ഉയർന്ന സാന്ദ്രതയുള്ള ലിപ്പോപ്രോട്ടീൻ (എച്ച്ഡിഎൽ) നല്ല കൊളസ്ട്രോളാണ്. ഇത് ചീത്ത കൊളസ്‌ട്രോളിനെ ശരീരത്തിൽ നിന്ന് നീക്കം ചെയ്യുന്നു. എന്നാൽ, ലോ ഡെൻസിറ്റി ലിപ്പോപ്രോട്ടീൻ (എൽഡിഎൽ) ആരോഗ്യപ്രശ്നങ്ങൾ ഉണ്ടാക്കുന്ന ധമനികളിൽ അടിഞ്ഞുകൂടുന്ന ചീത്ത കൊളസ്ട്രോളാണ്. ഒരാളുടെ ശരീരത്തിൽ എൽഡിഎൽ കൊളസ്ട്രോൾ കൂടുന്നതിന് പല കാരണങ്ങളുണ്ട്. പുകവലി മുതൽ തെറ്റായ ജീവിതശൈലിയും ഭക്ഷണശീലവുമൊക്കെ ചീത്ത കൊളസ്ട്രോൾ കൂടാൻ കാരണമാകും.
advertisement
ഉയർന്ന അളവിൽ എച്ച്ഡിഎൽ ഉള്ളത് ശരീരത്തിന് നല്ലതാണെങ്കിലും ഉയർന്ന അളവിൽ എൽഡിഎൽ ഉള്ളത് ഹൃദ്രോഗം, സ്ട്രോക്ക് പോലെയുള്ള ആരോഗ്യപ്രശ്നങ്ങൾക്കുള്ള സാധ്യത കൂട്ടും. പുരുഷൻമാർക്ക് 40-60mg/dL എച്ച്ഡിഎൽ ആണ് വേണ്ടത്. അതേസമയം സ്ത്രീകൾക്ക് ഇത് 50-60mg/dL ആണ്.
ശരീരത്തിലെ കൊളസ്ട്രോളിന്റെ അളവ് നിയന്ത്രിക്കാൻ സഹായിക്കുന്ന നിരവധി മാർഗങ്ങളുണ്ട്. കൊളസ്ട്രോളിന്റെ അളവ് നിയന്ത്രണവിധേയമാകണമെങ്കിൽ, മൊത്തം കൊളസ്ട്രോൾ, അതായത് എൽഡിഎൽ, എച്ച്ഡിഎൽ എന്നിവയുടെ അളവ് കുറയ്ക്കേണ്ടത് അത്യാവശ്യമാണ്. അതോടൊപ്പം, LDL ഉം HDL ഉം സന്തുലിതമാണെന്ന് ഉറപ്പാക്കുകയും വേണം. രക്തത്തിലെ കൊളസ്ട്രോൾ കുറയ്ക്കാൻ സഹായിക്കുന്ന ഘടകം ഫൈബർ അഥവാ നാരുകളാണ്.
ഉയർന്ന കൊളസ്ട്രോൾ നിയന്ത്രിക്കുന്നതിൽ നാരുകൾക്ക് പ്രധാന പങ്കുണ്ട്. കൊളസ്ട്രോളിന്റെ അളവ് കുറയ്ക്കാൻ നാരുകൾ എങ്ങനെ സഹായിക്കുമെന്ന് നോക്കാം
ഫൈബർ ചീത്ത കൊളസ്ട്രോൾ കുറയ്ക്കുന്നു
ഫൈബർ അടങ്ങിയ ഭക്ഷണങ്ങൾ കൂടുതലായി കഴിച്ചാൽ ശരീരത്തിലെ ചീത്ത കൊളസ്ട്രോൾ കുറയ്ക്കാനാകും. ഓട്‌സ്, ബീൻസ്, പയർ, പഴങ്ങൾ തുടങ്ങിയ ഭക്ഷണങ്ങളിൽ ലയിക്കുന്ന നാരുകൾ അടങ്ങിയിട്ടുണ്ട്, ഇത് കുടലിൽ കൊളസ്ട്രോൾ രക്തത്തിലേക്ക് ആഗിരണം ചെയ്യപ്പെടുന്നത് തടയുന്ന ഒരു പദാർത്ഥമായി മാറുന്നു. ഇങ്ങനെ ചീത്ത കൊളസ്ട്രോളിന്റെ അളവ് കുറയ്ക്കുന്നു.
ഫൈബർ നല്ല കൊളസ്ട്രോൾ മെച്ചപ്പെടുത്തുന്നു
രക്തത്തിലെ ചീത്ത കൊളസ്‌ട്രോളിനെ നീക്കം ചെയ്യുന്നതിനും ശരീരത്തിൽ നിന്ന് നീക്കം ചെയ്യുന്ന ചീത്ത കൊളസ്ട്രോൾ കരളിലേക്ക് കൊണ്ടുപോകുന്നതിനും എച്ച്ഡിഎൽ അല്ലെങ്കിൽ നല്ല കൊളസ്ട്രോൾ ഒരു പങ്കു വഹിക്കുന്നു. നാരുകളാൽ സമ്പന്നമായ ഭക്ഷണങ്ങൾ കഴിക്കുന്നത് എച്ച്ഡിഎൽ കൊളസ്ട്രോൾ മെച്ചപ്പെടുത്താൻ സഹായിക്കും.
നിരാകരണം: ഈ ലേഖനത്തിൽ പറഞ്ഞിരിക്കുന്നത് പൊതുവായുള്ള വിവരങ്ങളും നിർദേശങ്ങളുമാണ്. ഇത് ആത്യന്തികമായി ഒരു മെഡിക്കൽ ഉപദേശമായി കണക്കാക്കരുത്. ഏതെങ്കിലും തരത്തിലുള്ള ആരോഗ്യപ്രശ്നങ്ങളുണ്ടെങ്കിലോ ഭക്ഷണക്രമത്തിൽ മാറ്റം വരുത്തുകയോ ചെയ്യുന്നതിന് മുമ്പ് ഒരു ഡോക്ടറെയോ ഡയറ്റീഷ്യനെയോ സമീപിക്കുക.