TRENDING:
നിങ്ങളുടെ കുട്ടികൾക്ക് സത്യസന്ധവും നേരായതുമായ ഉത്തരങ്ങൾ നൽകുന്നതാണ് എല്ലായ്പ്പോഴും നല്ലത്. ഇങ്ങനെയുള്ള ചോദ്യങ്ങളിൽ പരിഭ്രാന്തരാകുന്നതും അപ്പോൾ ഉചിതമെന്ന് തോന്നുന്ന ഉത്തരം നൽകുന്നതും സാധാരണമാണ്. നിങ്ങൾക്ക് ഭാഗ്യമുണ്ട്, സ്വയം തിരുത്താൻ ഇനിയും വൈകിയിട്ടില്ല. വാസ്തവത്തിൽ നിങ്ങളുടെ മകന്റെ അടുത്തേക്ക് പോയി നിങ്ങൾക്ക് പറ്റിയത് തെറ്റാണെന്ന് സമ്മതിച്ച് തിരുത്തിയാൽ കുട്ടികൾക്കും അവര്ക്ക് തെറ്റ് വന്നാൽ തിരുത്താന് പഠിപ്പിക്കുന്ന ഒരു അവസരമാണ്.
ചോദ്യത്തിലേക്ക് വന്നാൽ, ഒരു ആൺകുട്ടിക്ക് ആർത്തവത്തെ കുറിച്ച് എങ്ങനെ വിശദീകരിക്കും എന്നത് പ്രയാസമാണ്. 7 വയസ്സുള്ള നിങ്ങളുടെ കുട്ടിക്ക് ആർത്തവത്തിന്റെ അടിസ്ഥാനകാര്യങ്ങൾ മനസിലാക്കാൻ പ്രയാസമുണ്ട്. എന്നാൽ ഈ അവസരത്തിൽ അടിസ്ഥാന പ്രത്യുത്പാദന ശരീരഘടനയെക്കുറിച്ച് അവർക്ക് മുൻകൂട്ടി അറിയാമെന്ന് ഉറപ്പാക്കുന്നതാണ് നല്ലത്.
advertisement
നിങ്ങൾക്ക് പറയാൻ കഴിയുന്ന കാര്യങ്ങൾ ഇതാണ്: “പെൺകുട്ടികൾ ഏകദേശം 12-13 വയസ്സ് പ്രായമാകുമ്പോൾ, അവരുടെ ശരീരം നിരവധി മാറ്റങ്ങളിലൂടെ കടന്നുപോകുന്നു. ശരീരത്തിലെ രാസവസ്തുക്കൾ (ഹോർമോണുകൾ എന്ന് വിളിക്കപ്പെടുന്നു) കാരണം ഈ മാറ്റങ്ങൾ സംഭവിക്കുന്നു. ഇത് സംഭവിക്കുമ്പോൾ ഒരു സ്ത്രീയുടെ ശരീരം ഒരു കുഞ്ഞിനായി തയ്യാറാകാൻ തുടങ്ങുന്നു. അതിഥികൾ വരുന്നതിനു മുമ്പ് അമ്മ ചിലപ്പോൾ വീട് തയ്യാറാക്കുന്നതുപോലെ കുഞ്ഞ് വരാതിരിക്കുമ്പോൾ സ്ത്രീയുടെ ശരീരത്തിൽ സൃഷ്ടിച്ച അധിക സ്ഥലത്ത് സ്വാഭാവികമായും വരുന്ന രക്തം നീക്കംചെയ്യപ്പെടും. ഇത് അവർക്ക് പരിക്കേറ്റതു കൊണ്ടല്ല മറിച്ച് ശരീരത്തിന് അധികമായി വരുന്നത് നീക്കം ചെയ്യാനുള്ള സ്വാഭാവിക മാർഗ്ഗമാണ്. ”
ആർത്തവത്തിന്റെ അടിസ്ഥാനകാര്യങ്ങൾ വ്യക്തമായി കഴിഞ്ഞാൽ, സ്ത്രീകൾക്ക് ഈ രക്തം മുഴുവൻ പിടിച്ചെടുക്കാനും വൃത്തിയായി തുടരാനുമുള്ള ഒരു മാർഗമാണ് സാനിറ്ററി നാപ്കിനുകൾ എന്ന് നിങ്ങൾക്ക് വിശദീകരിക്കാം. നിങ്ങൾക്ക് ഒരു സാനിറ്ററി നാപ്കിൻ സാമ്പിൾ കാണിക്കാനും വെള്ളം ഉപയോഗിച്ച് ഇത് എങ്ങനെ പ്രവർത്തിക്കുന്നുവെന്ന് കാണിക്കാനും കഴിയും.
Click here to add News18 as your preferred news source on Google.