TRENDING:
ചാന്ദ്ര കലണ്ടറിന്റെ അടിസ്ഥാനത്തിലാണ് ഗുരുപൂര്ണ്ണിമ ദിനം ആഘോഷിക്കുന്നത്. അതുകൊണ്ട് തന്നെ ഓരോ വർഷവും സമയക്രമങ്ങളില് ചില വ്യത്യാസങ്ങളുണ്ടാകും. ഗുരുപൂര്ണിമ ദിവസം ഭക്തര് അതിരാവിലെ എഴുന്നേറ്റ് ചടങ്ങുകള് നിർവഹിച്ച് മുതിര്ന്നവരുടെ അനുഗ്രഹം വാങ്ങും. ദൃക് പഞ്ചാംഗ പ്രകാരം ഈ വർഷത്തെ ഗുരുപൂര്ണിമ ജൂലൈ 2ന് രാത്രി 8: 21ന് ആരംഭിച്ച് ജൂലൈ 3ന് വൈകുന്നേരം 5.08ന് അവസാനിക്കും.
ഗുരുപൂര്ണിമ ചടങ്ങുകള്
ഗുരുക്കളോടുള്ള ആദരവും ബഹുമാനവും പ്രകടിപ്പിക്കാനുള്ള ദിവസമാണ് ഗുരുപൂര്ണിമ. ഈ ദിനത്തില് ആചരിക്കുന്ന പ്രധാന ചടങ്ങുകൾ
advertisement
1. ഗുരുക്കളോട് ആദരവ് പ്രകടിപ്പിക്കും: ഈ ദിവസം ഭക്തര് അമ്പലങ്ങള്, ആത്മീയ കേന്ദ്രങ്ങള്, ഗുരുക്കന്മാരുടെ ഭവനങ്ങള് എന്നിവ സന്ദര്ശിക്കുകയും ഗുരുക്കന്മാരോടുള്ള ആദരസൂചകമായി പൂക്കള്, പഴങ്ങള്, മറ്റ് വസ്തുക്കള് എന്നിവ സമ്മാനമായി നൽകുകയും ചെയ്യും.
2. ഗുരുപൂജ: ഗുരുപൂര്ണിമയില് ചെയ്യുന്ന പ്രധാന ചടങ്ങാണ് ഗുരു പൂജ. ഗുരുക്കന്മാരുടെ അനുഗ്രഹം വാങ്ങാന് ഭക്തര് ഈ ചടങ്ങില് പങ്കെടുക്കുന്നു.
3. ഭജനമന്ത്രം: ഗുരുവിനെ പ്രകീര്ത്തിക്കുന്ന ഭജനകള് ഭക്തര് ഈ ദിവസം ചൊല്ലും. ഗുരു ഗീത പോലുള്ള വിശുദ്ധ ഗ്രന്ഥങ്ങളും ഈ ദിവസം പാരായണം ചെയ്യുന്നു.
4. ഗുരുപൂര്ണിമ പ്രഭാഷണം: നിരവധി പണ്ഡിതന്മാര് ഈ ദിവസത്തിന്റെ പ്രത്യേകതയെപ്പറ്റി മറ്റുള്ളവരെ ഉദ്ബോധിപ്പിക്കാൻ പ്രഭാഷണങ്ങൾ നടത്താറുണ്ട്. അതുമായി ബന്ധപ്പെട്ട പ്രഭാഷണങ്ങൾ കേൾക്കുക.
5. സേവനം: ഈ ദിവസം ഭക്തര് ക്ഷേത്രങ്ങള്, മറ്റ് ജീവകാരുണ്യ സ്ഥാപനങ്ങള് എന്നിവ സന്ദര്ശിക്കുന്നു.
ഗുരുപൂര്ണിമയുടെ പ്രാധാന്യം: ഹിന്ദു, ബുദ്ധ മത സംസ്കാരങ്ങളില് ഗുരുപൂര്ണിമ വലിയ രീതിയില് ആഘോഷിക്കുന്ന ദിനമാണ്. വ്യക്തികളുടെ ആത്മീയ യാത്രയില് ഗുരുക്കന്മാര്ക്ക് എത്ര മാത്രം പ്രാധാന്യമുണ്ടെന്ന് ഓര്മ്മിപ്പിക്കുന്ന ദിവസമാണിത്. ആദിഗുരുവായി അറിയപ്പെടുന്ന ശിവ ഭഗവാനെ ആരാധിക്കാനും ഈ ദിവസം ഉപയോഗിക്കുന്നു.
Summary: Why is Guru Purnima celebrated and what are its significances?
Click here to add News18 as your preferred news source on Google.