എന്തിനാ പഠിക്കുന്നത് ? എട്ടാം ക്ലാസ് വരെ മാത്രം പഠിച്ച 45കാരൻ ക‍ൃഷിയിലൂടെ പ്രതിവർഷം സമ്പാദിക്കുന്നത് ഒന്നര കോടി

23 ഏക്കർ ഭൂമിയിൽ ധർമേഷ് ഭായ് മുളക് കൃഷിയാണ് ചെയ്യുന്നത്. ഇതേ മുളകിൽ നിന്നും മുളകുപൊടി ഉണ്ടാക്കി അത് വിപണിയിൽ സ്വയം എത്തിക്കുകയും ചെയ്യുന്നു. കശ്മീരി മുളകുപൊടിക്ക് കിലോഗ്രാമിന് 450 രൂപയും കശ്മീരി മിക്സിന് കിലോഗ്രാമിന് 350 രൂപയുമാണ് ലഭിക്കുന്നതെന്ന് അദ്ദേഹം പറയുന്നു.

സ്മാർട്ട് ഫോൺ കയ്യിലുണ്ടോ? ഒരു പണിയുണ്ട്, എട്ട് ലക്ഷം രൂപ തരാമെന്ന് ഭക്ഷ്യോൽപന്ന കമ്പനി

തൊഴിലാളികൾക്ക് നൽകേണ്ടത് ഉൾപ്പെടെയുള്ള ചെലവുകളെല്ലാം കഴിഞ്ഞ്, ധർമേഷ് ഭായ് പ്രതിവർഷം 90 ലക്ഷത്തോളം ലാഭവും ഉണ്ടാക്കുന്നുണ്ട്. തന്റെ ഭൂമിയിൽ നിന്നും ഓരോ വർഷവും ഏകദേശം 60,000 കിലോഗ്രാം മുളക് വിളവെടുക്കുന്നുണ്ടെന്നും അദ്ദേഹം പറയുന്നു.

advertisement

എട്ടാം ക്ലാസ് വിദ്യാഭ്യാസം മാത്രമുള്ള ധർമേഷ് ഭായ് കഴിഞ്ഞ അഞ്ച് വർഷമായി മുളക് കൃഷി ചെയ്യുന്നുണ്ട്. കാശ്മീരി ഡാബി പോലുള്ള ഇനങ്ങളാണ് അദ്ദേഹത്തിന്റെ കൃഷിയിടത്തിൽ ഉള്ളത്.

ഇദ്ദേഹം ഉത്പാദിപ്പിക്കുന്ന മുളകുപൊടി അമേരിക്കയുൾപ്പെടെ വിവിധ രാജ്യങ്ങളിലേക്ക് കയറ്റി അയക്കുന്നുണ്ട്. ഈ വർഷം 50,000 കിലോഗ്രാം മുളകുപൊടി ഉത്പാദിപ്പിക്കാൻ സാധിക്കും എന്നാണ് കരുതുന്നതെന്നും അദ്ദേഹം പറയുന്നു.