ഈ ഫീച്ചർ ആക്ടിവേറ്റ് ചെയ്യുന്നോടെ വാഹനത്തിന് ഊർജം നൽകുന്ന എഞ്ചിന്റെ തരത്തെ അടിസ്ഥാനമാക്കി വ്യത്യസ്ത റൂട്ടുകൾക്കുള്ള ഇന്ധനമോ ഊർജ്ജ ഉപഭോഗമോ കണക്കാക്കും. ഇത് തത്സമയ ട്രാഫിക് അപ്‌ഡേറ്റുകളും റോഡ് അവസ്ഥകളും വിശകലനം ചെയ്യുന്നു, അതിവേഗം തന്നെ ഏറ്റവും മികച്ച ഇന്ധനക്ഷമത ലഭിക്കുന്ന റൂട്ട് ഈ ഫീച്ചർ നിർദേശിക്കും. തിരക്കുള്ളവർക്ക്, ഈ ഫീച്ചർ ഓഫാക്കിയാൽ, ഇന്ധനം ലാഭിക്കുന്ന അൽഗോരിതം കൂടാതെ ഏറ്റവും വേഗതയേറിയ റൂട്ടിലൂടെ സഞ്ചരിക്കാനാകും.
'ഫ്യുവൽ സേവിങ്' ഫീച്ചർ ആക്ടിവേറ്റ് ചെയ്യാം
advertisement
ഘട്ടം 1: Google Maps തുറന്ന് നിങ്ങളുടെ പ്രൊഫൈൽ ഐക്കണിൽ ടാപ്പ് ചെയ്യുക.
ഘട്ടം 2: സെറ്റിങ്സിൽ നാവിഗേഷൻ തിരഞ്ഞെടുക്കുക.
ഘട്ടം 3: "റൂട്ട് ഓപ്ഷനുകൾ" കണ്ടെത്തി ഇന്ധനക്ഷമതയുള്ള റൂട്ടിംഗ് തിരഞ്ഞെടുക്കുക.
ഘട്ടം 4: നിർദ്ദേശങ്ങൾ മികച്ചതാക്കാൻ എഞ്ചിൻ തരത്തിന് കീഴിൽ നിങ്ങളുടെ എഞ്ചിൻ തരം(പെട്രോളോ ഡീസലോ ഇലക്ട്രിക്കോ) വ്യക്തമാക്കുക.
വാഹനം പെട്രോളോ ഡീസളോ ഹൈബ്രിഡോ ഇളക്ട്രിക് ആകട്ടെ, Google Maps നിങ്ങളെ പരിരക്ഷിക്കുന്നു. ഹൈബ്രിഡുകളും ഇലക്ട്രിക് വാഹനങ്ങളും പുനരുൽപ്പാദിപ്പിക്കുന്ന ബ്രേക്കിംഗ് പ്രയോജനപ്പെടുത്തുന്ന ഒപ്റ്റിമൈസ് ചെയ്ത റൂട്ടുകൾ നിർദേശിക്കും.
വ്യാപകമായ ഉപയോഗം കണക്കിലെടുത്ത് ഗൂഗിൾ പെട്രോളിനെ ഡിഫോൾട്ട് എഞ്ചിൻ ചോയിസായാണ് ക്രമപ്പെടുത്തിയിരിക്കുന്നത്. അതേസമയം ഈ ഫീച്ചർ ഉപയോഗിക്കുന്ന വൈദ്യുത വാഹന ഉടമകൾ കൂടുതൽ ശ്രദ്ധിക്കണം. കാരണം ഗൂഗിൾ നിർദേശിക്കുന്ന റൂട്ടിൽ ചാർജിങ് സ്റ്റേഷനുകൾ ഉണ്ടോയെന്ന കാര്യം ഉറപ്പാക്കണം. അല്ലെങ്കിൽ യാത്ര തുടങ്ങുന്നതിന് മുമ്പ് ബാറ്ററി ചാർജ്ജ് ചെയ്തിട്ടുണ്ടെന്ന് ഉറപ്പാക്കുക.