ഈ പുതുവർഷത്തിൽ ഒരു പുതിയ ടാറ്റ കാർ വാങ്ങുകയാണെങ്കിൽ നിങ്ങൾക്ക് എത്രത്തോളം ഡിസ്കൗണ്ട് ലഭിക്കുമെന്നറിയണ്ടേ?
2022 ജനുവരിയിൽ, ടാറ്റ അൾട്രോസ് (Tata Altroz) വാങ്ങാൻ ഉദ്ദേശിക്കുന്ന ഉപഭോക്താക്കൾക്ക് ടാറ്റ ഡീലർഷിപ്പുകൾ വഴി 10,000 രൂപ വരെ കിഴിവ് ലഭിക്കും. ആൾട്രോസ് ഡീസൽ പതിപ്പിന് 10,000 രൂപ വരെ കോർപ്പറേറ്റ് ഡിസ്‌കൗണ്ടും ലഭിക്കും. ആൾട്രോസ് പെട്രോൾ പതിപ്പിന് 7,500 രൂപ വരെയാണ് കോർപ്പറേറ്റ് ഡിസ്കൗണ്ട്.
Also read- Kia | കാറുകളുടെ വില വര്‍ധിപ്പിച്ച് കിയ; എസ്‌യുവി മോഡലുകൾക്ക് 54,000 രൂപ വരെ വില കൂടും
advertisement
ടാറ്റയുടെ പ്രിയപ്പെട്ട എസ്‌യുവിയായ ടാറ്റ സഫാരിയും (Tata Safari) ഡിസ്കൗണ്ട് ഇനത്തിൽ ഉൾപ്പെടുന്നു. നിങ്ങളുടെ വാഹനം എക്‌സ്‌ചേഞ്ച് ചെയ്ത് സഫാരി വാങ്ങാൻ ആഗ്രഹിക്കുന്നുണ്ടെങ്കിൽ ഇതാണ് മികച്ച സമയം. ടാറ്റ സഫാരിയുടെ 2021 മോഡലിന് എക്‌സ്‌ചേഞ്ച് ബോണസും 60,000 രൂപ വരെ ക്യാഷ് ഡിസ്‌കൗണ്ടും ലഭിക്കും. 2022 മോഡലിന് 40,000 രൂപയാണ് എക്‌സ്‌ചേഞ്ച് ബോണസ് ആയി വാഗ്ദാനം ചെയ്യുന്നത്.
2021 ടാറ്റ ഹാരിയർ (Tata Harrier) മോഡലിന് 60,000 രൂപ വരെ ക്യാഷ് ഡിസ്‌കൗണ്ടും എക്‌സ്‌ചേഞ്ച് ബോണസും ലഭിക്കും. കൂടാതെ 2021 ടാറ്റ ഹാരിയർ മോഡലിന് 25,000 രൂപ വരെ കോർപ്പറേറ്റ് കിഴിവും കമ്പനി വാഗ്ദാനം ചെയ്യുന്നു. 2022 മോഡലിന് 40,000 രൂപയാണ് എക്‌സ്‌ചേഞ്ച് ബോണസ് ലഭിക്കുക.
Also read- Upcoming Electric Cars | 2022ല്‍ ഇന്ത്യയില്‍ പുറത്തിറങ്ങാനിരിക്കുന്ന ഇലക്ട്രിക് കാറുകള്‍
ടാറ്റയുടെ ടിഗോറിനും ടിയാഗോയ്ക്കും വിപണിയിൽ ഇപ്പോൾ യഥാക്രമം 10,000 രൂപയും 5,000 രൂപയും വരെ കോർപ്പറേറ്റ് ഡിസ്കൗണ്ട് ലഭിക്കും. കൂടാതെ ഇവ രണ്ടിനും മറ്റ് ഡിസ്കൗണ്ട് ബോണസുകളും ക്യാഷ് ഡിസ്കൗണ്ടുകളും ലഭ്യമാണ്.
Also read- Colour Changing Car | ബട്ടണ്‍ അമര്‍ത്തിയാല്‍ നിറം മാറുന്ന കാർ; പുതിയ സാങ്കേതികവിദ്യയുമായി BMW
5-സ്റ്റാർ ഗ്ലോബൽ NCAP റേറ്റിംഗിലൂടെ ഏവരെയും അത്ഭുതപ്പെടുത്തിയ ടാറ്റയുടെ നെക്സോൺ പതിപ്പിന് വമ്പിച്ച വിലക്കുറവാണ് ഈ മാസത്തിൽ കമ്പനി വാഗ്ദാനം ചെയ്യുന്നത്. 2021 നെക്സോൺ ഡീസൽ വാങ്ങുന്നവർക്ക് 15,000 രൂപയുടെ എക്‌സ്‌ചേഞ്ച് ബോണസ് ലഭിക്കും. നെക്‌സോണിന്റെ പെട്രോൾ, ഡീസൽ വേരിയന്റുകൾക്ക് യഥാക്രമം 5,000 രൂപയും 10,000 രൂപയും വിലമതിക്കുന്ന കോർപ്പറേറ്റ് കിഴിവും കമ്പനി വാഗ്ദാനം ചെയ്യുന്നുണ്ട്.